+7 (701) 759 90 19
+20 °С : نۇر-سۇلتان
+24 °С : الماتى
USD 428.71 EUR 519.12
RUB 5.79 CNY 66.61
جاڭالىقتار

الماتىنىڭ شەتكى اۋداندارىندا بىرنەشە ەمحانا قۇرىلىسى باستالدى

16 ءساۋىر 19:29
:ءبولىسۋ
الماتىنىڭ شەتكى اۋداندارىندا بىرنەشە ەمحانا قۇرىلىسى باستالدى

الماتى. قازاقپارات - الماتىنىڭ شەتكى اۋداندارىندا بىرنەشە ەمحانانىڭ قۇرىلىسى باستالدى. بۇل تۋرالى الماتىنىڭ جايلى قالالىق ورتا باسقارماسىنىڭ باسشىسى ساپار نۇراشيەۆ ونلاين بريفينگى بارىسىندا ايتتى، دەپ حابارلايدى قازاقپارات ءتىلشىسى.

«بيىل بالالارعا شۇعىل مەديتسينالىق كومەك كورسەتۋ ورتالىعى ءۇشىن وپەراتسيالىق بلوگى بار قابىلداۋ بولىمشەسىنىڭ جاڭا كورپۋسىن سالۋ جانە «كەمەل»، «نۇرشاشقان»، «دۋمان»، «قاراسۋ»، «سايالى» شاعىن اۋداندارىندا جانە ايباسوۆ كوشەسىندە ورنالاسقان وتباسىلىق- دارىگەرلىك امبۋلاتوريالار قۇرىلىسى جوسپارلانعان»، - دەدى سپيكەر.

سونىمەن قاتار، ول قازىر جىلىنا 80 مىڭ ناۋقاستى قابىلدايتىن № 7 قالالىق كلينيكالىق اۋرۋحانانىڭ قابىلداۋ بولمەسىن جاپسارلاس سالۋ جۇرگىزىلىپ جاتقانىن ايتتى. وعان قوسا № 6 قالالىق ەمحانانى جانە اۋدانارالىق تۋبەركۋلەز ديسپانسەرىن كۇردەلى جوندەۋ جۇمىستارى جۇرگىزىلەتىنىن جەتكىزدى.

«سونداي- اق، الاتاۋ اۋدانىنىڭ «ترۋدوۆيك» شاعىناۋدانىندا ارنايى تۇرعىلىقتى جەرى جوق تۇلعالارعا ارنالعان جەدەل الەۋمەتتىك كومەك پۋنكتىنىڭ قۇرىلىسى باستالادى، تاعى №11 قالالىق ەمحانا عيماراتىن كۇردەلى جوندەۋ جۇمىستارى ءجۇرىپ جاتىر»، - دەدى ساپار نۇراشيەۆ.

ونىڭ ايتۋىنشا، قازىر دەنساۋلىق ساقتاۋعا ەرەكشە كوڭىل بولىنەدى، زاماناۋي مەديتسينالىق- تەحنولوگيالىق جابدىقتارمەن قامتاماسىز ەتە وتىرىپ، حالىققا دارىگەرلىك كومەك كورسەتۋ بويىنشا بەلسەندى جۇمىس اتقارىلۋدا.

«2020 -جىلى قالادا 5 دەنساۋلىق ساقتاۋ نىسانىنىڭ قۇرىلىسى اياقتالعان، بۇل ءبىر مىڭنان استام توسەك- ورىن، اتاپ ايتقاندا 280 جانە 300 توسەكتىك مودۋلدى اۋرۋحانالار، پاتولوگواناتوميالىق بيۋرو، دەگدار كوشەسىندە ورنالاسقان 500 توسەكتىك جۇقپالى اۋرۋلار اۋرۋحاناسىنىڭ فيليالى، № 4 پەرزەنتحانا كورپۋسىنا قوسىمشا قۇرىلىس»، - دەپ تولىقتىردى ول.

اۆتور: الما مۇقانوۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات