بيىل الماتىدا قانشا مەكتەپ پەن بالاباقشا سالىنادى

None
None
الماتى. قازاقپارات - الماتى قالاسى جايلى قالالىق ورتا باسقارماسىنىڭ باسشىسى ساپار نۇراشيەۆ ونلاين بريفينگ بارىسىندا 2020 -جىلى اتقارىلعان جۇمىستار مەن بيىلعى جىلدىڭ جوسپارىمەن ءبولىستى، دەپ حابارلايدى قازاقپارات ءتىلشىسى.

ونىڭ ايتۋىنشا، جاڭا ورتا جانە مەكتەپكە دەيىنگى ءبىلىم بەرۋ ۇيىمدارىن ىسكە قوسۋ بويىنشا بەكىتىلگەن باعدارلامالار مەن تاپسىرمالار شەڭبەرىندە 2020 -جىلى 18 نىساننىڭ قۇرىلىسى اياقتالعان.

«ونىڭ 10-ى جاڭا قۇرىلىس، وندا 3817 وقۋشى جانە 240 مەكتەپكە دەيىنگى ورىن قۇرىلدى. 8 نىسان بويىنشا قولدانىستاعى عيماراتتاردى قايتا قۇرۋ جانە سەيسميكالىق كۇشەيتۋ بويىنشا جۇمىستار ورىندالدى. بۇدان باسقا، تاپشىلىقتى ازايتۋ ماقساتىندا وسى جىلى 41 ءبىلىم بەرۋ وبەكتىسىنىڭ قۇرىلىسى جۇرگىزىلۋدە، بۇل بيىلدىڭ وزىندە 20 مىڭنان استام جاڭا وقۋشى جانە مەكتەپكە دەيىنگى ورىنداردى قۇرۋعا مۇمكىندىك بەرەدى»، - دەدى باسقارما باسشىسى.

قازىر جۇرگىزىلىپ جاتقان قۇرىلىس ىشىندە 12600 وقۋشىعا ارنالعان 8 جاڭا مەكتەپ جانە 8263 وقۋشىعا ارنالعان 17 قوسىمشا قۇرىلىس، 2 جاڭا بالاباقشا قۇرىلىسى جانە 14 نىساندى كەڭەيتۋمەن قايتا قالپىنا كەلتىرۋ نىساندارى بار. بۇل مەكەمەلەردىڭ قۇرىلىسىنا قارجى ءبولىندى.

«الەۋمەتتىك ينفراقۇرىلىم قۇرىلىسى شەڭبەرىندە، بەكىتىلگەن «جاڭا الماتى» كەشەندى جوسپارىنا سايكەس بيىل الاتاۋ جانە ناۋرىزباي اۋداندارىندا يننوۆاتسيالىق شىعارماشىلىقتىڭ 2 ورتالىعىن (وقۋشىلار ءۇيى) سالۋ كوزدەلگەن. بۇگىنگى تاڭدا جوبالىق- سمەتالىق قۇجات ازىرلەنۋدە»، - دەدى ول.

اۆتور: الما مۇقانوۆا

سوڭعى جاڭالىقتار