بەيجىڭدە تاعى دا قۇمدى داۋىل سوقتى - فوتو

None
None
قاراعاندى. قازاقپارات - بەيجىڭدە بەس اپتادا ءۇشىنشى رەت قۇمدى داۋىل سوقتى، - دەپ حابارلايدى Global Times باسىلىمى.

بەيجىڭ قورشاعان ورتانى قورعاۋ مونيتورينگى ورتالىعىنىڭ مالىمەتىنشە، قىتاي استاناسىنداعى تاعى ءبىر داۋىل قالاداعى PM 10 ۇساق بولشەكتەردىڭ مولشەرىن تەكشە مەترىنە 999 ميكروگراممعا دەيىن ارتتىردى.

بۇل كورسەتكىش دۇنيەجۇزىلىك دەنساۋلىق ساقتاۋ ۇيىمى (د د ۇ) بەلگىلەگەن رۇقسات ەتىلگەن نورمادان 20 ەسە ارتىق. PM 10 مولشەرى ءبىر تەكشە مەترگە 50 ميكروگراممنان اسپاۋى ءتيىس.


«بيىل بىزدە بىرنەشە شاڭدى داۋىل بولدى. اۋا ساپاسى الدىڭعى جىلدارعا قاراعاندا الدەقايدا ناشار. تىنىس الۋ قيىنداپ جاتىر. قۇم كوزگە، مۇرىنعا كىرەدى»، - دەيدى بەيجىڭ تۇرعىندارىنىڭ ءبىرى گەري زي.


مەتەورولوگتاردىڭ ايتۋىنشا، قۇم بولشەكتەرى موڭعوليادان كەلگەن. جۇمادا داۋىل ورتالىق جانە شىعىس قىتايعا جەتۋى مۇمكىن.

ورمان شارۋاشىلىعى جانە مەتەورولوگيا بويىنشا ساراپشىلار توبى ىشكى موڭعولياداعى قۇمدى داۋىلداردى زەرتتەپ جاتىر. سونداي- اق، قىتاي «ۇلى جاسىل قابىرعا» دەپ اتالاتىن جوبا اياسىندا وسىنداي داۋىلداردى وتكىزبەۋ ءۇشىن شەكاراسىنا ميلليونداعان اعاش وتىرعىزدى.


ەسكە سالايىق، ءبىر اي بۇرىن، ناۋرىزدىڭ ورتاسىندا بەيجىڭدە وسىنداي قۇمدى داۋىل سوققان. مەتەورولوگتار ونى سوڭعى ون جىلداعى ەڭ كۇشتى قۇمدى داۋىل دەدى. بولشەكتەردىڭ كونتسەنتراتسياسى نورمادان 160 ەسە اسىپ ءتۇستى. سالدارىنان ۇزىن-سونار كەپتەلىستەر بولىپ، اۋە رەيستەرى توقتاپ، كەشىكتى.



Tengrinews.kz


سوڭعى جاڭالىقتار