الماتىدا قانداي كولىكتەردىڭ قاتىسۋىمەن بولاتىن جول اپاتتارى كوبەيگەنى ايتىلدى

None
None
الماتى. قازاقپارات - الماتىدا سكۋتەر، موپەد، ۆەلوسيپەد، ساموكاتتىڭ قاتىسۋىمەن بولاتىن جول- كولىك وقيعالارىن ازايتۋ ماقساتىندا پوليتسيا جۇرگىزۋشىلەرمەن پروفيلاكتيكالىق جۇمىستار جۇرگىزۋدە، دەپ حابارلايدى قازاقپارات ءتىلشىسى.

الەۋمەتتىك جەلىدە موپەد جۇرگىزۋشىسىنىڭ پوليتسيا قىزمەتكەرىمەن ءسوز تالاستىرىپ جاتقان ۆيدەوسى پايدا بولدى. الماتى قالالىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قازىرگى كەزدە پوليتسيا قىزمەتكەرلەرى سكۋتەر، موپەد، ساموكات جانە ۆەلوسيپەد جۇرگىزۋشىلەرىمەن پروفيلاكتيكالىق جۇمىستار جۇرگىزۋدە.

«وكىنىشكە وراي، سوڭعى كەزدە الماتى كوشەلەرىندە جوعارىدا اتالعان كولىكتەردىڭ قاتىسۋىمەن بولاتىن اپاتتارى جيىلەپ كەتتى. اسىرەسە، كۋرەرلىك جەتكىزۋ قىزمەتى وكىلدەرىنىڭ ارەكەتىنەن بولاتىن جازاتايىم وقيعالار كوپ. وسىنداي وقيعالاردىڭ بىرىندە جاس جىگىت قازا تاپتى. بۇل دابىل قاعۋعا جانە ەكى دوڭگەلەكتى كولىك جۇرگىزۋشىلەرىن جاۋاپكەرشىلىككە شاقىرۋعا سەبەپ. جەدەل جانە الدىن الۋ شارالارى جالعاسادى»، - دەپ اتاپ ءوتتى پوليتسياداعىلار.

سونىمەن قاتار، پوليتسيا ەرەجەگە سايكەس، ەگەر موپەدتىڭ قوزعالتقىش كولەمى 50 تەكشە مەتردەن اسسا، وندا ول كولىك رەتىندە پوليتسيادا تىركەلۋى كەرەك جانە جۇرگىزۋشىنىڭ ءتيىستى ساناتتاعى كۋالىگى بولۋى شارت ەكەنىن اتاپ ءوتتى.

«كەشە، 15-ساۋىردە وسىنداي موپەدتىڭ ءبىرى ۇستالدى. قوزعالتقىش كولەمى - 150 تەكشە مەتر. جۇرگىزۋشىنىڭ كۋالىگى مەن مەملەكەتتىك ءنومىرى جوق. بۇگىن، 16-ناۋرىزدا، تاڭەرتەڭ ءدال سونداي جاعداي باسقا جۇرگىزۋشى تاراپىنان قايتالاندى. ەكى جۇرگىزۋشىگە دە اكىمشىلىك حاتتاما تولتىرىلدى. موپەدتتەر ايىپپۇل تۇراعىنا قويىلدى»، - دەپ تولىقتىردى دەپارتامەنت وكىلدەرى. بۇعان دەيىن، الماتىدا موپەد مىنگەن كۋرەر جەڭىل كولىككە سوقتىعىسىپ، ەكى ادام زارداپ شەككەنى تۋرالى جازعان بولاتىنبىز. كەيىن جول اپاتىنان جاراقات العان ەكى ادامنىڭ ءبىرى اۋرۋحانادا قايتىس بولدى.

اۆتور: الما مۇقانوۆا


سوڭعى جاڭالىقتار