مەملەكەت باسشىسى كورنەكتى اقىن ەسەنعالي راۋشانوۆتىڭ وتباسىنا كوڭىل ايتتى

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ كورنەكتى اقىن، ق ر مەملەكەتتىك سىيلىعىنىڭ لاۋرەاتى ەسەنعالي راۋشانوۆتىڭ قايتىس بولۋىنا بايلانىستى ونىڭ وتباسى مەن جاقىن تۋىستارىنا كوڭىل ايتۋ جەدەلحاتىن جولدادى، دەپ حابارلايدى قازاقپارات.

«ەسەنعالي ءابدىجاپپار ۇلى ءبىرقاتار گازەت-جۋرنالداردا قىزمەت ەتىپ، رۋحاني-مادەني سالانىڭ وركەندەۋىنە ۇلەس قوستى. شيرەك عاسىرداي ۋاقىت بويى «جازۋشى» باسپاسىنىڭ ديرەكتورى بولىپ، قازاق ادەبيەتىنىڭ قۇندى دۇنيەلەرىنىڭ جارىققا شىعىپ، حالىققا كەڭ تارالۋى جولىندا مول ەڭبەك ءسىڭىردى. اقىن رەتىندە قازاق پوەزياسىندا وزىندىك قولتاڭباسىن قالدىردى. ءور رۋحتى ولەڭدەرى مەن پوەمالارى وقىرماندار تاراپىنان جوعارى باعاسىن الدى. مارقۇمنىڭ جانى ءجانناتتا، يمانى سالامات بولسىن»، - دەلىنگەن جەدەلحاتتا.

قازاقپارات بۇگىن بەلگىلى اقىن، جازۋشى ەسەنعالي راۋشانوۆتىڭ ومىردەن وتكەنىن حابارلاعان بولاتىن.


سوڭعى جاڭالىقتار