ق ر پرەزيدەنتى اليك شپەكبايەۆقا تابىستى قىزمەتى ءۇشىن العىسىن ءبىلدىردى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ق ر سىبايلاس جەمقورلىققا قارسى ءىس-قيمىل اگەنتتىگىنىڭ بۇرىنعى باسشىسى اليك جاتقامباي ۇلى شپەكبايەۆقا تابىستى قىزمەتى ءۇشىن العىس ءبىلدىردى، دەپ حابارلايدى قازاقپارات.

ايتا كەتەيىك، قاسىم-جومارت توقايەۆ بۇل تۋرالى سىبايلاس جەمقورلىققا قارسى ءىس- قيمىل جونىندەگى كەڭەستە سويلەگەن سوزىندە ايتتى.

«مەنىڭ جارلىعىما سايكەس اليك جاتقامباي ۇلى شپەكبايەۆ سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى لاۋازىمىنان بوساتىلدى. اگەنتتىكتە ونىڭ باسشىلىعىمەن جەمقورلىقپەن كۇرەستە اۋقىمدى جۇمىس اتقارىلدى. وسى قۇرىلىمنىڭ قىزمەتى ايتارلىقتاي جاڭعىردى. جەمقورلىققا قارسى ءبىرقاتار جوبالار مەن باستامالار قولعا الىندى. سولاردىڭ قاتارىندا «ADALDYQ ALANY» ، «ANTIKOR ORTALYGY»، «ADAL BILIM» جانە تاعى باسقالارى بار. اليك جاتقامباي ۇلىنا وسى قىزمەتتەگى تابىستى جۇمىسى ءۇشىن العىس ايتامىن»، - دەدى پرەزيدەنت. وسى رەتتە مەملەكەت باسشىسى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى لاۋازىمىنا مارات مۇرات ۇلى احمەتجانوۆتىڭ تاعايىندالعانىن اتاپ ءوتتى.

«مەملەكەتتىك قىزمەتتەگى تاجىريبەسى مول مامان. ادىلەت مينيسترلىگىندە، باس پروكۋراتۋرادا باسشىلىق لاۋازىمداردى اتقاردى. كەزىندە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ورىنباسارى بولدى. سوندىقتان مەن ونى وسى لاۋازىمعا تاعايىنداۋ تۋرالى شەشىم قابىلدادىم. جالپى، مەملەكەتتىڭ قاۋىپسىزدىگى جانە حالىقتىڭ ءال- اۋقاتى جەمقورلىقپەن كۇرەستە جۇزەگە اسىرىلاتىن جۇيەلى ءارى ءتيىمدى شارالارعا تىكەلەي بايلانىستى»، - دەدى ق ر پرەزيدەنتى.