قازاقستاندىق بوكسشى قىز فرانسيا چەمپيونىن نوكاۋتقا ءتۇسىردى

نۇر- سۇلتان. قازاقپارات - قازاقستاندىق ايشاگۇل ەلەۋبايەۆا پولشانىڭ كەلتس قالاسىندا ءوتىپ جاتقان بوكستان جاستار اراسىنداعى الەم چەمپيوناتىنداعى العاشقى جەكپە- جەگىن وتكىزدى.

ايشاگۇل ءوزىنىڭ فرانسۋز قارسىلاسىن ءتورت رەت نوكداۋنعا ءتۇسىردى، دەپ حابارلايدى قازاقپارات Sports.kz-كە سىلتەمە جاساپ.

1/8 فينالىندا 54 كەلىگە دەيىنگى سالماق دارەجەسىندە ەلەۋبايەۆا جاسوسپىرىمدەر اراسىنداعى فرانسيا چەمپيونى زوە كۋۆەرسەلمەن كەزدەسىپ، وعان ايقاسۋعا ەش مۇمكىندىك قالدىرمادى. جەكپە- جەك بارىسىندا ايشاگۇل ءتورت رەت قارسىلاسىن نوكداۋنعا جىبەردى، تورتىنشىسىنەن كەيىن تورەشى قازاقستاندىق بوكسشىنىڭ مەرزىمىنەن بۇرىن جەڭگەنىن حابارلادى.

وسىلايشا ايشاگۇل ەلۋبايەۆا 2021 -جىلعى جاستار اراسىنداعى ءا چ- دا شيرەك فينالعا شىقتى. سونداي- اق بۇل تۋرنيرگە قازاقستان قىزدار قۇراماسىنان ارايلىم مارات (48 كەلى)، گۇلنار تۇراپباي (51 كەلى)، نازەركە سەرىك (51 كەلى)، جۇلدىز شاياحمەتوۆا (60 كەلى)، ميلانا ايۋپوۆا (64 كەلى)، جاسمين قيزاتوۆا (69 كەلى)، دانا ديداي (75 كەلى)، اسەل ساعاتوۆا (81 كەلى) جانە ەلدانا ءتالىپوۆا (+81 كەلى) جولداما الدى.