ەلوردادا ورازا ۇستاعاندارعا ىستىق تاماق تاراتىلدى

نۇر- سۇلتان. قازاقپارات - قاسيەتتى رامازان ايىندا ەلوردانىڭ ءدىن ىستەرى جونىندەگى باسقارماسى مەن دىندەردى زەرتتەۋ ورتالىعى «نۇر- استانا» مەشىتى ۇجىمىمەن بىرلەسىپ، اۋزى بەرىك مۇسىلماندارعا ىستىق تاماق تاراتا باستادى، دەپ حابارلايدى قازاقپارات قالا اكىمدىگىنە سىلتەمە جاساپ.

رامازان ايى ءساۋىر ايىنىڭ 13-كۇنى باستالىپ، 12-مامىرعا دەيىن جالعاسادى. مامىر ايىنىڭ 8 نەن 9 نا قاراعان ءتۇنى قادىر ءتۇنى، 13-مامىر كۇنى ورازا ايت مەرەكەسى اتاپ وتىلەدى. بارشا مۇسىلمان ءۇشىن بۇل اي جاقسىلىق پەن ىزگىلىك ايى. يسلام ءدىنىن ۇستانۋشىلار قايىرىمدىلىق جاساپ، ساۋاپ جيناۋعا تىرىسادى. سول سەبەپتى دە، قايىرىمدى جاندار مۇقتاج جاندارعا كومەك قولىن سوزىپ، جاقسىلىقتىڭ جارشىسى اتانۋعا نيەتتى.

قالاداعى ەپيدەميولوگيالىق جاعدايعا بايلانىستى مەشىتتەردە جىلداعىداي اۋىزاشار وتكىزىلمەيدى. سوندىقتان كارانتين تالاپتارىن ساقتاي وتىرىپ، ءاربىر ادامعا جەكەلەگەن تاماق بوكستارى جەتكىزىلدى. سونىمەن قاتار، مەشىتتەردە تاراۋىق نامازى مەن جۇما نامازى دا وقىلمايدى. ايتات كەتەرلىگى، رامازان ايىنا بايلانىستى اقپاراتتى نەمەسە ءدىن سالاسىنا قاتىستى قانداي دا ءبىر سۇراق پەن ۇسىنىس بولسا iKomek109 نومىرىنە حابارلاسۋعا بولادى، قوڭىراۋ شالۋ تەگىن.