نازاربايەۆ لۋكاشەنكومەن تەلەفون ارقىلى سويلەستى
نۇرسۇلتان نازاربايەۆ پەن الەكساندر لۋكاشەنكو ءداستۇرلى دوستىق پەن ءوزارا تۇسىنىستىككە نەگىزدەلگەن قازاقستان-بەلارۋس ىنتىماقتاستىعىنىڭ دامۋ قارقىنىنا جوعارى باعا بەردى.
تاراپتار ءار ءتۇرلى دەڭگەيدەگى ءوزارا ساپارلاردىڭ جانە بىرلەسكەن كەلىسىمدەردى جۇزەگە اسىرۋدىڭ ارقاسىندا ەكىجاقتى ساۋدا اينالىمى كولەمىن جىلىنا 1 ميلليارد ا ق ش دوللارىنا دەيىن ارتتىرۋ بويىنشا قارقىندى جۇمىس جۇرگىزىلىپ جاتقانىن ايتتى.
نۇرسۇلتان نازاربايەۆ پەن الەكساندر لۋكاشەنكو قازاقستان مەن بەلارۋس ۇكىمەتتەرىنىڭ كوروناۆيرۋس پاندەمياسىن ەڭسەرۋگە باعىتتالعان شارالارى تۋرالى پىكىر الماستى.
ەلباسى مەن بەلارۋس پرەزيدەنتى ەكى ەل اراسىنداعى، سونىڭ ىشىندە ەۋرازيا ەكونوميكالىق وداعى اياسىنداعى قارىم-قاتىناستار ودان ءارى نىعاياتىنىنا ءوزارا سەنىم ءبىلدىردى.
سوڭىندا تاراپتار وڭىرلىك جانە حالىقارالىق كۇن تارتىبىندەگى كەيبىر ماسەلەلەردى تالقىلادى.