+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

ەرلان قارين: پرەزيدەنت ۇسىنعان جەر تۋرالى زاڭ ءبىر عانا ماسەلەگە ارنالعان

15 ءساۋىر 18:48
:ءبولىسۋ
ەرلان قارين: پرەزيدەنت ۇسىنعان جەر تۋرالى زاڭ ءبىر عانا ماسەلەگە ارنالعان

نۇر- سۇلتان. قازاقپارات - پرەزيزەنت جەردى شەتەلدىكتەرگە ساتۋ تىيىم سالاتىن زاڭدى ۇسىنسا، جەر كوميسسياسى نە ءۇشىن جينالىپ ءجۇر؟

قوعام اراسىندا ءجيى قويىلىپ جۇرگەن وسى سۇراققا مەملەكەت باسشىسىنىڭ كەڭەسشىسى ەرلان قارين «حابار-24» ارناسىندا «سۇحبات» باعدارلاماسىدا جاۋاپ بەردى، دەپ حابارلايدى قازاقپارات.

«پرەزيدەنتتىڭ باستاماسىمەن دايىندالعان جەر تۋرالى زاڭ جوباسىندا تەك قانا ءبىر نورما قاراستىرىلادى. ياعني جەردى شەتەلدىكتەرگە ساتۋعا، جالعا بەرۋگە تىيىم سالۋ، بولدى. ال جەر كوميسسياسىندا جەردى پايدالانۋعا قاتىستى وزگە دە ماسەلەلەر تالقىلانىپ، پىسىقتالادى. نەگە؟ سەبەبى جەر ماسەلەسىنە قاتىستى قوعام ىشىندە بىرنەشە ماسەلە وسىعان دەيىن تالقىلانىپ كەلگەن بولاتىن. جەردى ساتپاۋ جونىندە، قازاقستاندىقتارعا جەردى جەكە مەنشىككە ساتۋعا بولا ما، جالعا بەرۋگە دەگەن سياقتى. الايدا ءدال وسى ماسەلەلەردىڭ ىشىندە جەردى شەتەلدىكتەرگە ساتۋعا تىيىم سالۋ بويىنشا قوعامدا دا، بيلىكتە دە ۇستانىمنىڭ ءبىر ەكەندىگىن ەسكەرە وتىرىپ، پرەزيدەنت ۇلتتىق كەڭەستىڭ 25 -اقپانداعى V وتىرىسىندا مالىمدەمە جاساپ، وسى ماسەلەسى بويىنشا ءتۇرلى داۋعا، پىكىرتالاستارعا نۇكتە قويۋ قاجەتتىگى جونىندە ءوز تاراپىنان ءبىرجولا شەشىم قابىلداپ، ءوزىنىڭ پرەزيدەنتتىك زاڭ باستاماسى تۇرعىسىنان پرەزيدەنت اكىمشىلىگىنە ارنايى زاڭدى دايىنداۋ تۋرالى تاپسىرما بەردى»، - دەدى پرەزيدەنت كەڭەسشىسى.

ول، سونداي- اق، پرەزيدەنت 12- ناۋرىزدا ءوزىنىڭ ارنايى جولداۋىمەن پارلامەنتكە جەردى شەتەلدىكتەرگە ساتۋعا جانە جالعا بەرۋگە تىيىم سالۋ بويىنشا زاڭ جوباسىن جىبەرگەنىن ەسكە سالدى. سوعان سايكەس جۇمىس توبى قۇرىلىپ، بىرنەشە تالقىلاۋ ءوتىپ، كوميتەتتىڭ بىرنەشە وتىرىسى ۇيىمداستىرىلعان.

«وتكەن اپتادا ءبىرىنشى وقىلىم ءوتتى، بۇگىن مىنە ەكىنشى وقىلىمى ءوتىپ، ماجىلىستەن ەندى زاڭ جوباسى سەناتقا تۇسەدى. ءسويتىپ قازاقستاندىقتاردىڭ اراسىندا سوڭعى جىلدارى وتە كوپ تالقىلانعان جەردى شەتەلدىكتەرگە ساتۋعا بايلانىستى ءتۇرلى داۋ- داماي، اڭگىمەلەرگە وسىمەن نۇكتە قويىلىپ، تىيىلادى دەپ سەنەمىز»، - دەدى ەرلان قارين.

ونىڭ ايتۋىنشا، جەر كوميسسياسى جەرگە قاتىستى وسى زاڭ جوباسىندا قوزعالعان ماسەلەدەن باسقا كوپتەگەن سۇراقتارعا جاۋاپ تابۋى ءتيىس.

«ال جەر كوميسسياسى وسى جەر ماسەلەسىنە قاتىستى قازاقستاندىقتارعا جەر ساتۋ، جەر كاداسترى جانە ت. ب. جەر قاتىناستارىنا بايلانىستى تۋىنداپ وتىرعان باسقا دا ماسەلەلەردى تالقىلاپ، اسىقپاي جان- جاقتى قاراپ، ساراپشىلارمەن بىرگە پىسىقتاپ وزدەرى ءبىر شەشىمگە كەلۋى كەرەك. پرەزيدەنتتىڭ زاڭ جوباسى تەك قانا شەتەلدىكتەرگە ساتۋعا جانە جالعا بەرۋگە تىيىم سالۋ ماسەلەسى بويىنشا بولاتىن»، - دەدى مەملەكەت باسىشسىنىڭ كەڭەسشىسى سۇحبات بارىسىندا.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات