نۇر-سۇلتاندا ەڭبەك ۇجىمدارىن كوروناۆيرۋسقا قارسى جاپپاي ۆاكسيناتسيالاۋ ءجۇرىپ جاتىر

None
None
نۇر-سۇلتان. قازاقپارات - ەلورداداعى كوشپەلى بريگادالار قالانىڭ ءتۇرلى كاسىپورىندارى مەن ءىرى ۇيىمدارىنىڭ قىزمەتكەرلەرىن كوروناۆيرۋستىق ينفەكسياعا قارسى ۆاكسيناتسيالاۋدى جۇرگىزىپ جاتىر، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

ك ۆ ي ۆاكسيناسىن الۋعا ءارتۇرلى كاسىپورىنداردىڭ ەڭبەك ۇجىمدارى نيەت ءبىلدىردى. ولاردىڭ اراسىندا «استانا- ا ە ك» ا ق، ەۋرازيا ۇلتتىق ۋنيۆەرسيتەتى، «استانا بالەت» تەاترى، «نۇر-الەم» پاۆيلونىنىڭ قىزمەتكەرلەرى، قۇرىلىس كومپانيالارى، س و و، مەملەكەتتىك ورگاندار جانە ت. ب. بار.

«قازىر ءوز قىزمەتكەرلەرىن كوروناۆيرۋستىق ينفەكسياعا قارسى ۆاكسيناتسيالاعىسى كەلەتىن ۇجىمدار ءجيى جۇگىنە باستادى. نيەت بىلدىرۋشىلەردىڭ تىزىمىنە سايكەس سول جەردە ۆاكسيناتسيا جۇرگىزۋ ءۇشىن م س ا ك ۇيىمدارىنىڭ كوشپەلى بريگادالارىن جىبەرەمىز. مەنشىك يەلەرىنىڭ اۋماعىندا بارلىق سانيتارلىق نورمالاردى ساقتاي وتىرىپ ەگۋ پۋنكتتەرى ۇيىمداستىرىلعان»، - دەيدى قالالىق قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا.

ونىڭ ايتۋىنشا، ءارتۇرلى كاسىپورىنداردا COVID-19 ۆاكسيناسىن العىسى كەلەتىندەردىڭ سانى 1000 ادامعا جەتەدى.


«استانا- ا ە ك» ا ق قىزمەتكەرلەرى ۆاكسيناتسيا COVID-19-عا قارسى تۇرۋدىڭ باستى ءتاسىلى ەكەنىن اتاپ ءوتتى.

«ۇجىمدى ۆاكسيناتسيامەن قامتۋ ءۇشىن كاسىپورىندا ەگۋ پۋنكتى ۇيىمداستىرىلدى. ونى وتكىزۋ ءۇشىن بىزگە №5 قالالىق ەمحانانىڭ مەدپەرسونالى كەلدى. پايدالانۋ سەنىمدىلىگى جانە قاۋىپسىزدىك تەحنيكاسى قىزمەتى جەكە كابينەت ۇيىمداستىرىپ، تۇرعىنداردىڭ ءبىر ورىنعا جيىلىپ قالۋىنا جول بەرمەۋ ءۇشىن قاتاڭ قابىلداۋ كەستەسىن ازىرلەدى»، - دەپ اتاپ ءوتتى «استانا- ا ە ك» ا ق.

«ەلوردا اكىمى التاي كولگىنوۆتىڭ تاپسىرماسى بويىنشا حالىقتى ۆاكسيناتسيامەن كەڭىنەن قامتۋ ءۇشىن ەگۋ پۋنكتتەرىنىڭ جۇمىس كەستەسى تاڭعى ساعات 8-دەن 12-گە دەيىن، «Mega Silk Way« س و و-دا تاڭعى ساعات 10-نان 22-گە دەيىن ۇزارتىلدى.

ونىڭ ايتۋىنشا، 1 دەن 3 كە دەيىن كوشپەلى بريگادالاردىڭ سانى دا قالىپتاسۋدا. جالپى، قالادا ك ۆ ي- عا قارسى ۆاكسينانى 40 مىڭنان استام ادام قابىلدادى.


سوڭعى جاڭالىقتار