قىزىل ايماقتاعى اۋەجايلار مەن ۆوكزالدارعا شىعارىپ سالۋشىلار كىرگىزىلمەيدى

نۇر-سۇلتان. قازاقپارات - كولىكتەگى سانيتارلىق-ەپيدەميولوگيالىق باقىلاۋ دەپارتامەنتىنىڭ سايتىندا كولىكتەگى باس مەملەكەتتىك سانيتاريالىق دارىگەرىنىڭ جاڭا قاۋلىسى جاريالاندى، دەپ حابارلايدى قازاقپارات.

قۇجات اياسىندا «ىشكى جانە حالىقارالىق اۆيارەيستەردەگى كارانتيندىك تالاپتار تۋرالى» كولىكتەگى باس مەملەكەتتىك سانيتاريالىق دارىگەرىنىڭ 2020 -جىلعى 26-قاراشاداعى №71-قاۋلىسىنا ءبىرقاتار وزگەرىس ەنگىزىلەدى.

اتاپ ايتقاندا، تاۋەكەلى جوعارى قاۋىپتى (قىزىل ايماق) وڭىرلەرىندەگى اۋەجايلار عيماراتتارىنا كۇتىپ الۋشىلار جانە شىعارىپ سالۋشىلاردى كىرگىزۋدى شەكتەۋ ۇيعارىلدى. ودان بولەك، «قازاقستان رەسپۋبليكاسىنداعى تەمىر جول قاتىناستارىندا شەكتەۋ كارانتيندىك شارالارى جانە ولاردى كەزەڭ- كەزەڭىمەن جەڭىلدەتۋ تۋرالى» كولىكتەگى باس مەملەكەتتىك سانيتاريالىق دارىگەرىنىڭ 2020 -جىلعى 24-تامىزداعى №55-قاۋلىسىنا تاۋەكەلى جوعارى قاۋپتى (قىزىل ايماق) وڭىرلەرىندەگى تەمىرجول ۆوكزالدارى عيماراتتارىنا كۇتىپ الۋشىلار جانە شىعارىپ سالۋشىلاردى كىرگىزۋدى شەكتەۋ جازىلعان.