ەلدە بەنزين باعاسى نەگە قۇبىلىپ تۇر؟
دەپۋتات بەنزين باعاسىن رەتتەۋ ءۇشىن جاڭا مەحانيزم ەنگىزۋ قاجەتتىگىن ايتتى. قۇزىرلى ورگاندار بۇرىن باعانىڭ قۇبىلۋىن يمپورتقا تاۋەلدىلىك پەن مۇناي وڭدەۋ زاۋىتتارىنداعى جوسپارلى جوندەۋمەن بايلانىستىراتىن. ەندى «اتىراۋ زاۋىتىنداعى اۆاريالىق جاعدايعا بايلانىستى بەنزين باعاسى دا شارىقتاي باستاعان» دەيدى.
دەپۋتات جانار- جاعارمايدىڭ قىمباتتاۋى سايىپ كەلگەندە قاراپايىم تۇتىنۋشىنىڭ قالتاسىن قاعاتىنىن اتاپ ءوتتى. ارتىنشا ەنەرگەتيكا مينيسترلىگى دە جاۋاپ بەردى.
«قازىرگى تاڭدا بەنزين باعاسىنىڭ قىمباتتاۋىن كورىپ وتىرمىز. مۇناي ونىمدەرىنىڭ قۇنىن رەتتەۋگە مەملەكەت ارالاسا المايدى. باعانى نارىقتىڭ ءوزى بەلگىلەيدى. بەنزين 2015 -جىلدان، ال ديزەلدى وتىن 2016 -جىلدان بەرى مەملەكەت باقىلاۋىندا ەمەس. مۇنداي احۋال كورشى ەلدەردە دە بايقالىپ وتىر»، - دەيدى مينيسترلىك وكىلى.
نارىققا مەملەكەتتىڭ نەگە ارالاسپايتىنىن سالا وكىلى بىلاي ءتۇسىندىردى.
اسەت ماعاۋوۆ، ق ر ەنەرگەتيكا ۆيتسە- ءمينيسترى:
- مۇناي ونىمدەرىن ارزانداتۋ مەملەكەتتە ءتيىمسىز ءتاسىل بولىپ تۇر. باعانىڭ تومەندەۋىن شەكارالاس مەملەكەتتەر ءوز پايداسىنا قولدانىپ كەتۋى مۇمكىن. كولەڭكەلى ەكونوميكا كولەمى ارتىپ، ءتۇرلى جولدارمەن تاسىمال پايدا بولادى. سايىپ كەلگەندە ەلدىڭ مۇناي وڭدەۋ سالاسىن ايتارلىقتاي شىعىنعا اكەلەدى. سوندىقتان جاعدايدى نارىقتىڭ ءوزى رەتتەگەنى ءجون دەپ ەسەپتەيمىز.
www.24.kz