قازاقستاندا زەينەتاقى اكتيۆتەرىن ەسەپتەۋ ءتارتىبى وزگەردى

None
None
نۇر- سۇلتان. قازاقپارات - قازاقستاندا زەينەتاقى اكتيۆتەرىن ەسەپكە الۋ جانە ەسەپتەۋ ءتارتىبى وزگەردى، دەپ حابارلايدى قازاقپارات ب ج ز ق باسپا ءسوز قىزمەتىنە سىلتەمە جاساپ.

ءبىرىڭعاي جيناقتاۋشى زەينەتاقى قورىنىڭ حابارلاۋىنشا، بۇل وزگەرىس ءتيىستى قۇجاتپەن بەكىتىلگەن. جاڭا تارتىپكە سايكەس ەسەپ ايىرىسۋ اپتانىڭ ءبىرىنشى جۇمىس كۇنىنىڭ سوڭىنداعى جانە ايدىڭ سوڭعى كۇنتىزبەلىك كۇنىنىڭ سوڭىنداعى جاعداي بويىنشا اپتا سايىنعى نەگىزدە جۇزەگە اسىرىلادى. زەينەتاقى اكتيۆتەرىن ەسەپكە الۋ جانە ەسەپتەۋ ءتارتىبى مىناداي ءادىسنامالىق ءتاسىلدى كوزدەيدى.

سالىمشىنىڭ (الۋشىنىڭ) جەكە زەينەتاقى شوتىنا (ج ز ش) زەينەتاقى جارنالارى تۇسكەن كەزدە، كەلىپ تۇسكەن زەينەتاقى جارنالارىنىڭ سوماسىن ەسەپتەۋ جونىندەگى وپەراتسيالار ولاردى زەينەتاقى جارنالارى تۇسكەن كۇنگى شارتتى بىرلىكتىڭ اعىمداعى قۇنى بويىنشا زەينەتاقى اكتيۆتەرىنىڭ شارتتى بىرلىكتەرىنىڭ بالامالى سانىنا قايتا ەسەپتەي وتىرىپ جۇزەگە اسىرىلادى.

سالىمشىنىڭ (الۋشىنىڭ) ج ز ش- سىنان زەينەتاقى تولەمدەرىن جۇرگىزۋ كەزىندە زەينەتاقى جيناقتارىنىڭ سومالارىن ەسەپتەن شىعارۋ جونىندەگى وپەراتسيالار ولاردى زەينەتاقى تولەمى كۇنىندەگى شارتتى بىرلىكتىڭ اعىمداعى قۇنى بويىنشا زەينەتاقى اكتيۆتەرىنىڭ شارتتى بىرلىكتەرىنىڭ بالامالى سانىنا قايتا ەسەپتەي وتىرىپ جۇزەگە اسىرىلادى.

زەينەتاقى اكتيۆتەرى ۇزاق مەرزىمدى ينۆەستيتسيالار بولىپ تابىلاتىندىقتان، شارتتى بىرلىكتىڭ قۇنىن ەسەپتەۋدى اپتا سايىنعى نەگىزدە جۇرگىزۋ (اپتانىڭ ءبىرىنشى جۇمىس كۇنىنىڭ سوڭىنداعى جانە ايدىڭ سوڭعى كۇنتىزبەلىك كۇنىنىڭ سوڭىنداعى جاعداي بويىنشا) قارجى قۇرالدارى قۇنىنىڭ جانە ولار بويىنشا ينۆەستيتسيالىق كىرىستىڭ قىسقا مەرزىمدى نارىقتىق وزگەرۋىنىڭ سالدارىنان سالىمشىلاردىڭ (الۋشىلاردىڭ) ج ز ش- سىنداعى زەينەتاقى جيناقتارىنىڭ كۇندەلىكتى ىقتيمال اۋىتقۋلارىن رەتتەۋگە مۇمكىندىك بەرەدى.

وسىلايشا، سالىمشىلارعا (الۋشىلارعا) ج ز ش- دان بەرىلەتىن ءۇزىندى كوشىرمەلەردەگى ينۆەستيتسيالىق تابىس بولىگىندەگى ىقتيمال وزگەرىستەر ءاربىر اپتانىڭ ءبىرىنشى جۇمىس كۇنىنىڭ سوڭىندا جانە ءاربىر ايدىڭ سوڭعى كۇنتىزبەلىك كۇنىنىڭ سوڭىندا كورىنىس تاباتىن بولادى. بۇل رەتتە زەينەتاقى جارنالارىنىڭ (ءوسىمپۇلداردىڭ) بارلىق تۇسىمدەرى تۋرالى، جۇزەگە اسىرىلعان زەينەتاقى تولەمدەرى مەن اۋدارىمدارى تۋرالى (ەكىنشى دەڭگەيدەگى بانكتەرگە، ۋاكىلەتتى وپەراتورلارعا، ساقتاندىرۋ ۇيىمدارىنا، ينۆەستيتسيالىق پورتفەلدى باسقارۋشىلارعا) اقپارات بۇرىنعىداي وپەراتسيالاردى جۇرگىزۋ كەزىندە كۇن سايىن تولىق كولەمدە كورسەتىلەتىن بولادى.

ايتا كەتسەك، بۇعان دەيىن ءبىرجولعى زەينەتاقى تولەمدەرىن پايدالانۋ قاعيدالارىنا تولىقتىرۋلار ەنگىزىلەتىندىگى تۋرالى حابارلادىق.

سوڭعى جاڭالىقتار