+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

فۋتبولدان قازاقستان بىرىنشىلىگى: «تاراز» ۇزدىك ۇشتىككە كوتەرىلدى

14 ءساۋىر 23:08
:ءبولىسۋ
فۋتبولدان قازاقستان بىرىنشىلىگى: «تاراز» ۇزدىك ۇشتىككە كوتەرىلدى

نۇر-سۇلتان. قازاقپارات - بۇگىن، 14- ساۋىردە فۋتبولدان پرەمەر-ليگا كوماندالارى اراسىنداعى ەل بىرىنشىلىگىنىڭ بەسىنشى تۋرى مارەسىنە جەتتى، دەپ حابارلايدى قازاقپارات ءتىلشىسى.

كەزەكتى تۋر ويىندارى 13- جانە 14- ءساۋىر كۇندەرى وتكىزىلدى. الدىمەن 13- ساۋىردە ءوز الاڭىندا پەتروپاۆلدىڭ «قىزىلجارى» «اقتوبەدەن»، قاراعاندىنىڭ «شاحتەرى» ورالدىڭ «اقجايىعىنان» 1:2 ەسەبىمەن جەڭىلدى.

ال بۇگىن، 14- ساۋىردە سىرت الاڭدا ەلوردالىق «استانا» شىمكەنتتىڭ «ورداباسى» كلۋبىن 4:1 ەسەبىمەن تاس-تالقان ەتىپ جەڭسە، الماتىنىڭ «قايراتى» اقتاۋدا «كاسپيمەن» 1:1 ەسەبىمەن تەڭ ءتۇستى.

ودان كەيىن قوستانايدا «توبىل» قىزىلوردانىڭ «قايسارىن» 1:0 ەسەبىمەن تىزە بۇكتىردى.

كەزدەسۋ تاعدىرىن شەشكەن جالعىز گولدى 2-مينۋتتا الاڭ يەلەرى ساپىنان توني سيلۆا سوقتى. تاعى ءبىر كەزدەسۋدە ءوز الاڭىندا «اتىراۋ» تالدىقورعاننىڭ «جەتىسۋىن» قابىلدادى.

اتالعان كەزدەسۋدە تالدىقورعاندىق كلۋبتان باۋىرجان تۇرىسبەك 37-مينۋتتا گول سوقسا، ول 68-مينۋتتا پەنالتيدەن ءمۇلت كەتكەن جوق. وعان 76-مينۋتتا الاڭ يەلەرىنەن پەتار كۋنيچ ءبىر گولمەن جاۋاپ قايىرسا، 92-مينۋتتا تالدىقورعاندىق اسحات بالتابەكوۆ اۆتوگول اۆتورى اتاندى.

وسىلايشا قوس كوماندا 2:2 ەسەبىنە قاناعات ءبىلدىرىپ تاراستى.

بەسىنشى تۋر ويىندارىن تۇركىستاندا وتكەن جەرگىلىكتى «تۇران» مەن «تاراز» كوماندالارى تۇيىندەدى.

بۇل ويىندا تارازدىق پەدرو ەۋجەنيو 78-مينۋتتا گول سوعىپ، كەزدەسۋ تاعدىرىن شەشتى.

وسىلايشا «تاراز» 1:0 ەسەبىمەن جەڭىسكە جەتتى.

وسىلايشا بەسىنشى تۋردان كەيىن 11 ۇپاي جيناعان «استانا»، «قايرات»، «تاراز» جانە «توبىل» كوماندالارى كوش باسىندا تۇر.

الداعى التىنشى تۋر ويىندارى 19- ساۋىردە وتكىزىلەدى. بۇل كۇنى «قايسار» مەن «اتىراۋ»، «استانا» مەن «قىزىلجار»، «تۇران» مەن «كاسپي»، «جەتىسۋ» مەن «ورداباسى»، «تاراز» بەن «اقجايىق»، «قايرات» پەن «توبىل» كوماندالارى كەزدەسەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات