گرەك-ريم كۇرەسىنەن ايدوس سۇلتانعالي ازيا چەمپيونى اتاندى

None
None
نۇر-سۇلتان. قازاقپارات - قازاقستاندىق بالۋاندار الماتىدا كۇرەس تۇرلەرىنەن ءوتىپ جاتقان ازيا چەمپيوناتىندا جۇلدەگەرلەر قاتارىنان كورىندى، دەپ حابارلايدى قازاقپارات.

گرەك-ريم كۇرەسىنەن 60 كەلىگە دەيىنگى سالماقتا ايدوس سۇلتانعالي چەمپيوندىق اتاققا قول جەتكىزدى.

ول فينالدا يراندىق مەحدي نيجادتى 8:4 ەسەبىمەن تىزە بۇكتىردى. قازاقستاندىق بالۋان بۇعان دەيىن شيرەك جانە جارتىلاي فينال ساتىسىندا وڭتۇستىك كورەيا جانە يراك بالۋاندارىن قاپى قالدىرىپ كەتتى.

قىزىلوردا وبلىسىنىڭ وكىلى 2015-جىلى جاس وسپىرىمدەر، 2016-جىلى جاستار اراسىندا ازيا چەمپيونى بولدى.

ال 2017-جىلى جابىق كەشەندەگى ازيا ويىندارىنىڭ جانە الەم چەمپيوناتىنىڭ قولا جۇلدەگەرى، 2018-جىلى ەرەسەكتەر اراسىندا الەم چەمپيوناتىنىڭ قولا جۇلدەگەرى اتاندى.

سونداي-اق، 2019-جىلى بۇكىل الەمدىك اسكەريلەر ويىنىنىڭ قولا جۇلدەسىن يەلەندى.

ازيا بىرىنشىلىگىندە كەشە 63 كەلىگە دەيىنگى سالماقتا سۇلتان اسەت ۇلى جەڭىمپاز تۇعىرىنان كورىندى.

ال 57 كەلىدە المات كەبىسبايەۆ پەن 130 كەلىدە ءالىمحان سىزدىقوۆ تۋرنيردىڭ كۇمىس جۇلدەگەر اتاندى.

ايتا كەتەيىك، 13- ساۋىردە الماتىدا كۇرەس تۇرلەرىنەن ازيا چەمپيوناتى باستالعان ەدى.

سوڭعى جاڭالىقتار