+7 (701) 759 90 19
1 °С : نۇر-سۇلتان
14 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

قايىڭدىدا ماتراسپەن جۇزگەن ۆيدەو اۆتورلارى جازالانۋى مۇمكىن

14 ءساۋىر 22:44
:ءبولىسۋ
قايىڭدىدا ماتراسپەن جۇزگەن ۆيدەو اۆتورلارى جازالانۋى مۇمكىن

نۇر-سۇلتان. قازاقپارات - قازاقستاندىقتار ايرىقشا قورعالاتىن تابيعي اۋماق - قايىڭدى كولىنىڭ ورتاسىندا ۇرلەمەلى ماتراستا جۇزگەن قىزدىڭ بەينەروليگىن قىزۋ تالقىلاۋدا.

ەكولوگيا مينيسترلىگى ۆيدەو اۆتورلارىنىڭ جازالاناتىنىن ايتتى، دەپ حابارلايدى قازاقپارات.

«بارلىعىنا قويىلاتىن جالپى تالاپ - ەرەكشە قورعالاتىن تابيعي اۋماقتاردا ءجۇرۋ ءتارتىبىن بۇزۋعا بولمايدى. قاراپايىم ەرەجەلەردى بۇزعانى ءۇشىن ق ر ا ق ب ت ك- ءنىڭ 380-بابىنا سايكەس ەسكەرتۋ نەمەسە ايىپپۇل قاراستىرىلعان. دوستار، مۇنىڭ ءبارى وتە ماڭىزدى. جاۋاپقا تارتۋدان باسقا، جازاتايىم وقيعالار بولۋى مۇمكىن. نەلىكتەن قورشاعان ورتاعا، ونىڭ بىرەگەيلىگىنە زيان كەلتىرۋ كەرەك؟!»، - دەپ جازدى ەكولوگيا، گەولوگيا جانە سۋ رەسۋرستارى مينيسترلىگىنىڭ باسپا ءسوز حاتشىسى سامال يبرايەۆا Facebook جەلىسىندە.

ونىڭ ايتۋىنشا، ينسپەكتورلار روليك اۆتورلارىنا قاتىستى قۇقىقبۇزۋشىلىق حاتتاماسىن تولتىرىپ جاتىر.

«تۋريستەردىڭ قىزعىلت كوبەيتۇز كولىمەن نە ىستەگەنىن ەسكە تۇسىرەيىك. وندا ادامدار بىرەگەي سۋ قويماسىنا كولىكتەرمەن كىرىپ، قوقىس تاستاپ، تابيعي تۇزدى الىپ كەتتى. وكىنىشكە وراي، تابيعاتقا وسىنداي ۆارۆارلىق جاساۋ جاعدايى قايتالانۋدا. بۇل ۇلتتىق ساياباقتاردا ينفراقۇرىلىمنىڭ، وركەنيەتتى ءتاسىلدىڭ جانە ەكو ءتۋريزمنىڭ ماڭىزدى ەكەنىن تاعى دا دالەلدەيدى. ايتپەسە، مۇنداي «جابايى» تۋريزم تەك كوبەيە بەرەدى»، - دەپ پىكىر ءبىلدىردى س. يبرايەۆا.

مينيسترلىك وكىلى قازاقستاندىقتارعا ۇندەۋ جاسادى.

«تۋريستىك ماۋسىم باستالىپ جاتىر. ءبىزدىڭ قازاقستاندا ادەمى تابيعاتى بار كوپتەگەن ورىندار بار، ولارعا بارۋ وتە ماڭىزدى. قازاقستاننىڭ تابيعاتى ەش جەردە قايتالانبايدى! سوڭعى جىلدارى كوپتەگەن ادامداردىڭ ەلىمىزدى جاڭا قىرىنان اشقانى قۋانتادى. ءبىراق! ءبىزدىڭ ورتاق مىندەتىمىز - جالپى قابىلدانعان نورمالار مەن ەرەجەلەردى ساقتاۋ. تابيعاتتى قورعاپ، وسكەلەڭ ۇرپاققا پاتريوتيزم مەن جانۋارلارعا، وسىمدىكتەرگە، ورمانعا، تاۋلارعا دەگەن سۇيىسپەنشىلىكتە تاربيەلەيىك!»، - دەيدى باسپا ءسوز حاتشىسى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات