ساۋل «كانەلو» كارەراسىن قاشان اياقتايتىنىن ايتىپ بەردى

نۇر-سۇلتان. قازاقپارات - ەكىنشى ورتا سالماقتاعى WBC جانە WBA بەلبەۋلەرىنىڭ يەگەرى مەكسيكالىق ساۋل «كانەلو» الۆارەس (55-1-2، 37 ك و) كارەراسىن قاشان اياقتايتىنىن ايتىپ بەردى.

«زەينەتكە شىققان كەزدە مەن شارشى الاڭعا دەيىن ءجۇرىپ وتەتىن ءساتتى قاتتى ساعىناتىن بولامىن. ءبىراق ءالى جەتى جىل جۇدىرىقتاسۋعا ۋاقىتىم بار. سودان سوڭ كارەرامدى اياقتايمىن»، - دەدى 30 جاستاعى «كانەلو» Boxingscene.com پورتالىنا بەرگەن سۇقباتىندا.

ايتا كەتەيىك، الۆارەس ءوزىنىڭ الداعى كەزدەسۋىن ەكىنشى ورتا سالماقتاعى WBO بەلبەۋىنىڭ يەگەرى 31 جاستاعى بيللي دجو سوندەرسكە (30-0، 14 ك و) قارسى وتكىزەدى. بۇل جەكپە-جەك 8-مامىر كۇنى تەحاس شتاتىنداعى ATT Stadium سپورت كەشەنىندە وتەدى.