قازاقستاندىق بوكسشى الەم چەمپيوناتىندا قارسىلاسىن نوكداۋنعا ەكى ءتۇسىردى

نۇر-سۇلتان. قازاقپارات - پولشانىڭ كەلتس قالاسىندا جاستار اراسىندا بوكستان الەم چەمپيوناتى باستالدى.

جارىستىڭ ءبىرىنشى كۇنى 56 كەلىگە دەيىنگى سالماقتا قازاقستاندىق ەربولات سابىر ۆەنگريالىق گەرگو جارازدى جەڭدى، - دەپ حابارلايدى Vesti.kz.

ەربولات جەكپە-جەكتە 5:0 (30:25، 30:25، 30:24، 30:27، 30:25) ەسەبىمەن جەڭىسكە جەتتى، سونىمەن قوسا، ول قارسىلاسىن ءبىرىنشى جانە ءۇشىنشى راۋندتا نوكداۋنعا تۇسىرگەن.

وسىلايشا، ەربولات تۋرنيردىڭ 1/8 فينالىنا شىعىپ وتىر.

ەسكە سالايىق، بۇل جارىسقا قازاقستان قۇراماسىنان 20 بوكسشى اتتاندى - ون بوزبالا مەن ون بويجەتكەن.