باس پروكۋراتۋرا جايىلىم بولۋدەگى زاڭسىزدىقتاردى تەكسەرىپ جاتىر

None
None
نۇر-سۇلتان. قازاقپارات - باس پروكۋراتۋرا اكىمدىكتەردىڭ جايىلىم القاپتارىن ءبولۋ، اۋىل ماڭىنداعى جايىلىمداردى ۇزاق مەرزىمگە جالعا بەرۋ كەزىندە زاڭدى قانشالىقتى ساقتاعانىن تەكسەرىپ جاتىر، دەپ حابارلايدى قازاقپارات ءتىلشىسى.

پرەمەر-ءمينيستردىڭ ورىنباسارى رومان سكليار ءماجىلىس وكىلدەرىنىڭ دەپۋتاتتىق ساۋالىنا بەرگەن جاۋابىندا وسىنداي اقپار بەردى.

«مەملەكەت باسشىسىنىڭ تاپسىرماسىن ورىنداۋ ماقساتىندا باس پروكۋراتۋرا اكىمدىكتەردىڭ قىزمەتىندە جايىلىمدىق القاپتاردى ءبولۋ، ونىڭ ىشىندە اۋىل ماڭدارىنداعى جايىلىم القاپتاردى ۇزاق مەرزىمگە جالعا بەرۋ كەزىندەگى زاڭدىلىقتىڭ ساقتالۋىنا تەكسەرۋلەر جۇرگىزۋدە. بۇل جۇمىس جىل اياعىنا دەيىن جۇرگىزىلەتىن بولادى جانە ناتيجەسى بويىنشا زاڭسىز بەرىلگەن جەر ۋچاسكىلەرىن قايتارۋ بويىنشا ءتيىستى شەشىمدەر قابىلدانادى. 2019 -جىلدىڭ باسىنان بەرى 5,36 ميلليون گەكتار القاپتا پايدالانىلماعان جايىلىمدار انىقتالدى. ونىڭ ىشىندە 2,31 ميلليون گەكتار قايتا اينالىمعا تارتىلدى. 1,11 ميلليون گەكتار مەملەكەتتىك مەنشىككە قايتارىلدى. ال 1,94 ميلليون گەكتار جايىلىمدىق جەردى مەملەكەت مەنشىگىنە قايتارۋ بويىنشا سوت پروتسەستەرى ءجۇرىپ جاتىر»، - دەدى ۆيتسە-پرەمەر.

ول، سونداي-اق، جايىلىمداردى باسقارۋ جوسپارىنىڭ اشىقتىعىن قامتاماسىز ەتۋ ءۇشىن جوبالاردى ينتەرنەت رەسۋرسىنا ورنالاستىرۋ قولعا الىنعانىن ەسكە سالدى.

«جوسپارلاردى ازىرلەۋ كەزىندەگى كەمشىلىكتەردى جويۋ ءۇشىن اۋىل شارۋاشىلىعى مينيسترلىگى پارلامەنت ءماجىلىسىنىڭ اگرارلىق كوميتەتىمەن بىرلەسىپ، جوسپاردىڭ پيلوتتىق جوباسىن ازىرلەپ، ۇلگى رەتىندە بارلىق وبلىستار اكىمدىكتەرىنە جىبەردى. وسىعان بايلانىستى، قابىلدانعان 144 جوسپار وسى ۇلگىلىك جوباعا سايكەس قايتا پىسىقتالىنىپ قابىلداندى»، - دەيدى رومان سكليار.

سونداي-اق، ۆيتسە-پرەمەر برۋتسەللەزگە قارسى رۇسات ەتىلگەن ۆاكسينالار ءتىزىمىن قايدان تابۋعا بولاتىنىن ايتتى.


اۆتور: ەسىمجان ناقتىباي

سوڭعى جاڭالىقتار