قازاقستاندا كوروناۆيرۋسپەن قانشا ادام ەكىنشى رەت اۋىردى
بۇل ساۋالعا ق ر د س م سانيتارلىق-ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا جاۋاپ بەردى، دەپ حابارلايدى قازاقپارات ءتىلشىسى.
«قازىرگى ۋاقىتتا جاڭا شتامداردىڭ پايدا بولۋىن بايلانىستى كوروناۆيرۋس ينفەكسياسىن قايتادان جۇقتىرىپ الۋ تاۋەكەلىنىڭ جوعارى ەكەندىگىنە قاتىستى مالىمەتتەر شىعىپ جاتىر. بىزدە ازىرشە ناقتىلانعان ەكى جاعداي بار. كلينيكالىق حاتتاماعا قايتادان جۇقتىرۋ جانە قانداي جاعدايلار وعان ساي كەلەتىندىگىنە قاتىستى تۇسىنىكتەمە ەنگىزىلدى. اقپاراتتىق بازا زەردەلەنىپ جاتىر. مۇنداي ءاربىر جاعداي مىندەتتى تۇردە كونسيليۋم ارقىلى ناقتىلانۋى ءتيىس»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
وسى ورايدا ق ر دەنساۋلىق ساقتاۋ ءبىرىنشى ۆيتسە-ءمينيسترى مارات شورانوۆ قازاقستاندىق ماماندار توبى كوروناۆيرۋستان كەيىنگى اسقىنۋ ماسەلەلەرىن ەسەپكە الۋعا كىرىسىپ كەتكەندىگىن ايتتى.