بۋرابايدا بەس قۇرىلىسشى ەكىنشى قاباتتان قۇلاپ كەتكەن

None
None
كوكشەتاۋ. قازاقپارات - بۋرابايدا نىساندى قاپتاۋمەن اينالىسقان بەس قۇرىلىسشى ەكىنشى قاباتتان قۇلاپ تۇسكەن.

پوليتسيا ەڭبەكتى قورعاۋ ەرەجەسىن بۇزۋ وقيعاسى بويىنشا سوتقا دەيىنگى تەرگەۋ جۇرگىزۋدە، دەپ حابارلايدى قازاقپارات ءتىلشىسى.

اقمولا وبلىستىق پ د باسپا ءسوز قىزمەتىنىڭ مالىمەتىنشە، 13-ساۋىردە بۋراباي اۋداندىق پ ب كەزەكشىلىك بولىمىنە ۋچاسكەلىك پوليتسيا ينسپەكتورىنان اۋداندىق اۋرۋحاناعا 18-47 جاس ارالىعىنداعى جەرگىلىكتى بەس تۇرعىننىڭ ءتۇرلى دەنە جاراقاتتارىمەن تۇسكەنىن حابارلادى. جەدەل-تەرگەۋ توبى زارداپ شەككەندەردىڭ بۋراباي كەنتىندەگى قۇرىلىس نىسانىندا قاپتاۋ جۇمىستارى كەزىندە قۇلاعانىن انىقتادى.

«زارداپ شەككەندەر ءوز بەتىنشە قۇرىلىس اعاشتارىن مونتاجداۋدى جۇرگىزدى (قۇرىلىس، مونتاجداۋ جۇمىستارىن ورىنداۋ كەزىندە جۇمىسشىلار مەن ماتەريالداردى ورنالاستىرۋ ءۇشىن ۋاقىتشا قوسالقى قۇرىلىس). تىرەك ەلەمەنتتەرىن وسال بەكتىلگەندىكتەن جۇمىسشىلار ەكىنشى قاباتتاعى بيىكتىكتەن قۇلادى»، - دەيدى ۆەدومستۆودان.

قازىرگى كەزدە، وسى وقيعاعا بايلانىستى قىلمىستىق كودەكستىڭ 156-بابىنىڭ 1-بولىگى «ەڭبەكتى قورعاۋ ەرەجەلەرىن بۇزۋ» بويىنشا سوتقا دەيىنگى تەرەگۋ شارالارى جۇرگىزىلۋدە. سونىمەن بىرگە، مەملەكەتتىك ەڭبەك ينسپەكتورىنىڭ قورىتىندىسى جۇرگىزىلىپ، سوت-مەديتسينالىق ساراپتاما تاعايىندالدى.

اۆتور: اسلان وسپانوۆ

سوڭعى جاڭالىقتار