الماتىلىق ەپيدەميولوگ ۆاكسيناتسيا قارقىنىن ارتتىرۋعا شاقىردى

الماتى. قازاقپارات - الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا ونلاين بريفينگ بارىسىندا اتا-انالارعا جۇگىندى، دەپ حابارلايدى قازاقپارات ءتىلشىسى.

اسەل قالىقوۆانىڭ ايتۋىنشا، الماتىدا كوروناۆيرۋستى جۇقتىرىپ، اۋىرعاندار سانىنىڭ كوبەيۋى جالعاسۋدا.

ونىڭ قاشان توقتاپ، جۇقتىرۋ دەڭگەيىنىڭ تومەندەۋى بۇل قالا تۇرعىندارىنىڭ كوروناۆيرۋستىڭ الدىن الۋ شارالارىن ساقتاۋىنا، سونداي-اق حالىقتىڭ ۆاكسيناتسياعا قانشالىقتى بەلسەندى قاتىساتىنىنا بايلانىستى. ازىرگە الماتىدا ك ۆ ي بويىنشا ەپيدەميولوگيالىق كورىنىس وپتيميستىك باعىتتا ەمەس.

«2021 -جىلدىڭ باسىنان بەرى قالادا 24378 جۇقتىرۋ وقيعاسى تىركەلدى، سوڭعى تاۋلىكتە 612 جاعداي انىقتالدى. ءىس جۇزىندە 1-13-ءساۋىر ارالىعىندا كوروناۆيرۋس ينفەكسيانىڭ 8301 جاعدايى تىركەلدى»، - دەدى الماتى س ە ب د باسشىسىنىڭ ورىنباسارى.

اسەل قالىقوۆانىڭ پىكىرىنشە، حالىققا بوساڭسىماۋ كەرەك، قورعانۋ شارالارىن ساقتاۋدى جالعاستىرىپ، ۆاكسيناتسيا قارقىنىن ارتتىرۋ قاجەت. سوندا عانا كوكتەمنىڭ سوڭىندا ناۋرىز جانە ءساۋىر ايلارىمەن سالىستىرعاندا اۋرۋدىڭ ازايعانىن كورۋىمىز مۇمكىن.

«اعىمداعى جىلى ك ۆ ي ىندەتىنىڭ دامۋ قارقىنى مىناداي: قاڭتار - 3607 جاعداي، اقپان - 2945، ناۋرىز - 9525، ءساۋىردىڭ 13 كۇنىندە - 8301 جاعداي. الماتى قالاسىندا كوروناۆيرۋس ينفەكتسيانىڭ كوبەيۋ سەبەپتەرى، بۇعان دەيىن دە ايتىلعانداي، ەڭ الدىمەن، COVID-19 مۋتاتسيالانعان شتامدارىنىڭ تارالۋىنان. اۋىرعانداردىڭ كوبەيۋى مۋتاتسيالانعان شتامداردىڭ انىقتالۋىمەن سايكەس كەلەدى، وندا قىسقا ينكۋباتسيالىق كەزەڭ، بارلىق جاس توپتارىنىڭ، ونىڭ ىشىندە 1 جاسقا دەيىنگى بالالاردىڭ دا جۇقتىرىپ، ناۋقاستانۋى، ينفەكسيانىڭ اۋىر وتەتىنى جانە ودان جوعارى ءولىم-ءجىتىم بايقالادى»، - دەدى سپيكەر.

ەپيدەميولوگ بالالار اراسىندا جۇقتىرۋدىڭ كوبەيۋىنە بايلانىستى اتا-انالاردان بالالارىن ادامدار كوپ جينالاتىن جەرلەرگە، ونىڭ ىشىندە ساۋدا- ويىن-ساۋىق ورتالىقتارىندا بولۋىنا جول بەرمەۋ شارالارىن قابىلداۋعا شاقىردى. سونىمەن قاتار، ەرەسەكتەرگە كارانتين كەزەڭىندە بالالاردى ۇيدە بوس وتىرماۋىن قامتاماسىز ەتۋ كەرەك.