توقايەۆ قازاقستاننىڭ ا ق ش-تاعى جاڭا ەلشىسىنە تاپسىرما بەردى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ قازاقستاننىڭ ا ق ش-تاعى جاڭادان تاعايىندالعان ەلشىسى ەرجان اشىقبايەۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا قاسىم-جومارت توقايەۆ ۆاشينگتونمەن اراداعى كەڭ اۋقىمدى ستراتەگيالىق سەرىكتەستىكتى ودان ءارى دامىتۋدىڭ ماڭىزدى ەكەنىنە نازار اۋداردى. پرەزيدەنت امەريكا قۇراما شتاتتارى قازاقستان ەكونوميكاسىنىڭ ەڭ ءىرى ينۆەستورى ەكەنىن، ەنەرگەتيكا، اۋىل شارۋاشىلىعى جانە جاڭا تەحنولوگيا سالالارىنداعى ساۋدا- ەكونوميكالىق ىنتىماقتاستىقتىڭ بەلسەندى دامىپ كەلە جاتقانىن اتاپ ءوتتى. ەكى ەل اراسىندا ايتارلىقتاي قۇقىقتىق- شارتتىق بازا قالىپتاسقان.

مادەني- گۋمانيتارلىق جانە ءبىلىم سالالارى بويىنشا تابىستى ىقپالداستىق ورناعان. قاسىم- جومارت توقايەۆ ەرجان اشىقبايەۆقا پرەزيدەنت دجوزەف بايدەن اكىمشىلىگىمەن ءوزارا ءتيىمدى ىنتىماقتاستىقتى جولعا قويۋعا باعىتتالعان ءبىرقاتار تاپسىرما بەردى.