14:23, 14 - ءساۋىر 2021 | GMT +6
كوروناۆيرۋس: قازاقستاندىق عالىمدار جانۋارلارعا ارنالعان ۆاكسينا جاسايدى
نۇر- سۇلتان. قازاقپارات - بيولوگيالىق قاۋىپسىزدىك ماسەلەلەرى عىلىمي- زەرتتەۋ ينستيتۋتى جانۋارلارعا ارنالعان كوروناۆيرۋسقا قارسى ۆاكسينا ازىرلەۋدى جوسپارلاپ وتىر.
بۇل تۋرالى ق ر ءبىلىم جانە عىلىم ۆيتسە- ءمينيسترى ميراس داۋلەنوۆ ايتىپ بەردى، دەپ حابارلايدى قازاقپارات.
«ينستيتۋت (ب ق م ع ز ي) الدىنا جانۋارلارعا ارنالعان COVID-19 قارسى ۆاكسينانى ازىرلەۋ مىندەتى قويىلدى. جانۋارلاردىڭ دا اۋرۋ جۇقتىرا الاتىنىن جانە تاسىمالداۋشى بولا الاتىنىن بىلەمىز. ولاردىڭ ادامدارعا اۋرۋ جۇقتىرماۋى ءۇشىن وسىنداي ۆاكسينا قاجەت. سوندىقتان ينستيتۋت الدىنا وسى مىندەت قويىلىپ وتىر»، - دەدى ۆيتسە- مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ايتا كەتەيىك، ەرتەڭ 15 - ساۋىردە «QAZVAC» وتاندىق ۆاكسيناسىن كلينيكالىق زەرتتەۋدىڭ ءۇشىنشى كەزەڭى اياقتالادى. بۇعان دەيىن سپيكەر ەرىكتىلەردىڭ كلينيكالىق زەرتتەۋى قالاي ءوتىپ جاتقانىن ايتىپ بەرگەن ەدى.
اۆتور: ايجان سەرىكجان قىزى