بايدەن پۋتينگە كەزدەسۋدى ۇسىندى

None
None
نۇر- سۇلتان. قازاقپارات – ا ق ش پرەزيدەنتى دجو بايدەن رەسەي پرەزيدەنتى ۆلاديمير پۋتينگە قوڭىراۋ شالىپ، بەيتاراپ ەلدە كەزدەسۋدى ۇسىندى، دەپ حابارلايدى «حابار 24».

بۇل تۋرالى اق ءۇي باسپا ءسوز قىزمەتى حابارلادى.

ۆاشينگتوننىڭ مالىمدەۋىنشە، ا ق ش- تىڭ جاڭا بيلىگى رەسەيمەن قارىم- قاتىناس ورناتۋعا دايىن. اڭگىمە بارىسىندا قوس پرەزيدەنت ستراتەگيالىق قارۋلاردى قىسقارتۋ مەن ۋكراينداعى جاعدايدى تالقىلاعان. كرەمل دە ەكى ەل باسشىلارى تەلەفون ارقىلى سويلەسكەنىن راستاپ، ديالوگتى ودان ءارى جالعاستىرۋعا مۇددەلى ەكەنىن جەتكىزدى. ال اۆستريا بيلىگى ەكى ەل پرەزيدەنتىنىڭ كەزدەسۋىن ءوز اۋماعىندا وتكىزۋگە ۇسىنىس جاسادى.

دجەن پساكي، اق ءۇي باسپا ءسوز حاتشىسى:

- پرەزيدەنت دجو بايدەن رەسەي باسشىسى ۆلاديمير پۋتينمەن تەلەفون ارقىلى، عالامدىق جانە ايماقتىق ماسەلەلەردى تالقىلادى. دجو بايدەن اڭگىمە بارىسىندا قۇراما شتاتتار ءوز ۇلتتىق مۇددەلەرىن قورعاۋ ماقساتىندا ارەكەت ەتەتىنىن اتاپ ءوتتى. اڭگىمەلەسۋ كەزىندە كوتەرىلگەن ماسەلەلەردىڭ بارىسى جايلى الداعى ۋاقىتتا حابارلاپ وتىرامىز.

ال رەسەي قورعانىس ءمينيسترى سەرگەي شويگۋ ناتو مەن ا ق ش اسكەرى رەسەي شەكاراسىنا جاقىنداپ كەلەدى دەپ مالىمدەدى. اقپارعا قاراعاندا قارا تەڭىز بەن بالتىق تەڭىزى ايماعىنا مىڭداعان اسكەري مەن تەحنيكا ورنالاستىرىلماق. اتلانت مۇحيتى ارقىلى ەۋروپاعا بەت العان امەريكالىق اسكەر دە كوبەيە تۇسكەن.

www.24.kz

سوڭعى جاڭالىقتار