+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

بارلىق قالالاردىڭ ورتالىعىنان ءاليحان بوكەيحان اتىنا لايىقتى كوشە بەرىلۋى كەرەك - قازىبەك يسا

14 ءساۋىر 13:29
:ءبولىسۋ
بارلىق قالالاردىڭ ورتالىعىنان ءاليحان بوكەيحان اتىنا لايىقتى كوشە بەرىلۋى كەرەك - قازىبەك يسا

نۇر- سۇلتان. قازاقپارات - ءماجىلىس دەپۋتاتى قازىبەك يسا بارلىق قالالاردىڭ ورتالىعىنان ءاليحان بوكەيحان اتىنا لايىقتى كوشە بەرىلىپ، الاش الاڭدارى اشۋ تۋرالى ۇسىنىس جاسادى.

وسى ورايدا «اق جول» پارتياسىنىڭ فراكسياسى اتىنان پرەمەر- ءمينيستردىڭ ورىنباسارى ەرالى توعجانوۆتىڭ اتىنا ساۋال جولدادى، دەپ حابارلايدى قازاقپارات ءتىلشىسى.

«اق جول» فراكسياسى بيىل 3 -ناۋرىزدا «الاش قايراتكەرلەرىن ۇمىت قالدىرۋ - ساياسي ادىلەتسىزدىك» اتتى دەپۋتاتتىق ساۋال جولداعانى بەلگىلى. وندا وڭىرلەردەگى الاش قايراتكەرلەرىنىڭ ەسىمدەرى ۇمىت قالىپ وتىرعانى ايتىلعان ەدى. ەندى انىقتالعانداي، ەلەۋسىز قالعاندار تەك الاش قايراتكەرلەرى عانا ەمەس، ءاليحان بوكەيحان، احمەت بايتۇرسىن ۇلى، ءمىرجاقىپ دۋلات ۇلى سەكىلدى الاش كوسەمدەرىنىڭ وزدەرى دە لايىقتى ۇلىقتالماي جاتقانىنا كوز جەتكىزدىك. بيىل ورتا ازياداعى تۇڭعىش ساياسي پارتيا «الاش» پارتياسىن قۇرىپ، الاش وردا ۇكىمەتىن باسقارعان ءاليحان بوكەيحاننىڭ تۋعانىنا 155 جىل تولۋىنا ارنالعان ءىس- شارالار قازاقستان پرەزيدەنتى قاسىم- جومارت توقايەۆتىڭ ۇسىنۋىمەن تاۋەلسىزدىكتىڭ 30 جىلدىعى باعدارلاماسىنا ەنگىزىلدى. تاياۋدا 31- ناۋرىزدا تۇركىستان دەكلاراتسياسىن قابىلداعان تۇركى كەڭەسى مەملەكەتتەرىنىڭ باسشىلارى تۇراننىڭ ۇلى تۇلعالارىنىڭ ىشىندە ءاليحان بوكەيحاننىڭ 155 جىلدىق مەرەيتويىن دا بىرلەسە اتاپ وتۋگە شەشىم قابىلدادى»، - دەدى ق. يسا ءماجىلىستىڭ جالپى وتىرىسىندا.

وسى ورايدا ول قاراعاندىداعى وكتيابر اۋدانى ەندى ءاليحان اۋدانىنا اينالعانىن ەسكە سالدى. «دەگەنمەن، ەلىمىزدە الاش كوسەمىنىڭ اتىنا لايىقتى ەشقانداي كوشە جوق ەكەنىن انىقتادىق. استانامىزدا بوكەيحانوۆ كوشەسى ورتالىقتا ەمەس، شەتتەگى ول كوشەنى كوبىنەسە «ماڭگىلىك ەل» كوشەسىندەگى كەپتەلىستەن قاشقان جۇرگىزۋشىلەر جاقسى بىلەدى. الماتىداعى بوكەيحانوۆ كوشەسى قالا شەتىندەگى وندىرىستىك اۋدانداعى بازار ارتىنداعى قۋىستا ورنالاسقان. شىمكەنتتىڭ شەتىندەگى تاسساي اۋىلىنىڭ تاساسىندا قالعان بوكەيحانوۆ كوشەسىنىڭ ۇزىندىعى 500 مەتردەي عانا، جيىرما شاقتى ءۇي ورنالاسقان، ءتىپتى جارىق تا جوق. الاش ورداسى اتالعان سەمەيدە دە، وبلىس ورتالىعى وسكەمەندە دە ءاليحانعا لايىقتى كوشە جوق، شالعايداعى شاعىن اۋداندارداعى جيىرما شاقتى ۇيدەن تۇراتىن شاعىن كوشەلەر»، - دەدى دەپۋتات.

وسى ورايدا ول «اق جول» پارتياسىنىڭ ۇسىنىسىن جەتكىزدى. «ءا. بوكەيحاننىڭ نەگىزگى ماماندىعى ورمانتانۋشى- عالىم، ياعني اگرونوم. ول قازاقتىڭ جەر- سۋىن، ءداستۇرلى شارۋاشىلىعىن زەرتتەگەن ەكسپەديتسيالارعا قاتىسىپ، قوي، ءىرى قارا جانە جىلقى تۇقىمدارىن زەرتتەپ، 3 ىرگەلى عىلىمي مونوگرافيا، ونداعان عىلىمي ماقالا جازعان، قازاق اۋىلشارۋاشىلىعى عىلىمىنىڭ نەگىزىن قالاعان عالىم. سوندىقتان، ونىڭ ەسىمىن الماتىداعى ازىرگە اتى جوق قازاق ۇلتتىق اگرارلىق ۋنيۆەرسيتەتىنە بەرۋ ابدەن لايىقتى. ەلوردامىزداعى تۇران مەن سىعاناق كوشەلەرىنىڭ قيىلىسىنداعى بوس تۇرعان الاڭعا «الاش» اللەياسىن اشىپ، ءاليحان ەسكەرتكىشى مەن الاش قايراتكەرلەرى بيۋستەرىن ورناتۋ قاجەت. ەلىمىزدەگى بارلىق قالا ورتالىعىنان ءاليحان بوكەيحان اتىنا لايىقتى كوشە بەرىلىپ، الاش الاڭدارى اشىلۋى ءتيىس»، - دەدى قازىبەك يسا.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات