+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

قاي ماماندىق يەلەرى «ەلوردا جاستارى» باعدارلاماسىنا قاتىسا الادى

14 ءساۋىر 13:02
:ءبولىسۋ
قاي ماماندىق يەلەرى «ەلوردا جاستارى» باعدارلاماسىنا قاتىسا الادى

نۇر- سۇلتان. قازاقپارات - «وتباسى بانك» ا ق ورتالىق فيليالىنىڭ ديرەكتورى جانسۇلتان ماتايەۆ «ەلوردا جاستارى» باعدارلاماسىنا قانداي سالانىڭ جاستارى قاتىسا الاتىنىن اتادى، دەپ حابارلايدى قازاقپارات ءتىلشىسى.

«35 جاسقا دەيىنگى جاستاردى قولداۋ باعدارلاماسى الماتى قالاسىنان باستاۋ الدى. نۇر- سۇلتان قالاسىنىڭ اكىمدىگىمەن دە وسى ماسەلە بويىنشا جۇمىس جۇرگىزىلىپ جاتىر. مۇندا دا پايىزدىق مولشەرلەمەسى 5 پايىز، العاشقى جارنا 10 پايىز، نەسيەنىڭ مەرزىمى - 25 جىلعا دەيىن. بۇل جەردە جەرگىلىكتى اكىمدىك قانداي سالانىڭ جاستارىن قولدايتىنىن وزدەرى تاڭداپ، انىقتادى. ونىڭ ىشىندە دەنساۋلىق ساقتاۋ، ءبىلىم بەرۋ، مادەنيەت جانە سپورت، ب ا ق وكىلدەرىن، الەۋمەتتىك سالا وكىلدەرىن قولداۋ قاراستىرىلعان. «ەلوردا جاستارى» باعدارلاماسىنىڭ ارتىقشىلىعى وتباسىلى جاستار عانا ەمەس، وتباسىن قۇرماعاندار دا قامتىلادى»، - دەدى جاسۇلان ماتايەۆ.

ال «وتباسى بانك» ا ق باسقارما ءتورايىمى ءلاززات يبراگيموۆانىڭ مالىمەتى بويىنشا، «الماتى جاستارى» ايماقتىق باعدارلاماسىنا بيىل 18 ميلليارد تەڭگە بولىنگەن. سونىڭ ارقاسىندا 1000 جاسقا پاتەر بەرۋ جوسپارلانىپ وتىر. بۇعان دەيىن حابارلاعانىمىزداي، مامىر ايىندا «شاڭىراق» باعدارلاماسى بويىنشا بەرىلەتىن 8000 پاتەر BaSpana.kz سايتىنا شىعارىلادى. وسى شارادا ءبىرجولعى زەينەتاقى تولەمدەرىن پايدالانۋ قاعيدالارىنا تولىقتىرۋلار ەنگىزىلەتىنى ءمالىم بولدى.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات