قازاقستاندا قولايسىز ەڭبەك جاعدايىندا قانشا ادام جۇمىس ىستەيدى

None
None
نۇر- سۇلتان. قازاقپارات - ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى زياندى جانە قولايسىز ەڭبەك جاعدايىندا جۇمىس ىستەيتىن قىزمەتكەرلەر سانىن جاريا ەتتى، دەپ حابارلايدى قازاقپارات ءتىلشىسى.

«زياندى جانە باسقا دا قولايسىز ەڭبەك جاعدايلارىندا جۇمىس ىستەيتىن قىزمەتكەرلەردىڭ سانى تۋرالى اقپاراتتى الۋ ماقساتىندا ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى ەكونوميكالىق قىزمەتتىڭ جەكەلەگەن تۇرلەرىندەگى كاسىپورىندار مەن ۇيىمدارعا جىل سايىن زەرتتەۋ جۇرگىزەدى. زەرتتەۋدە اۋىل، ورمان جانە بالىق شارۋاشىلىعى، ونەركاسىپ، قۇرىلىس، كولىك جانە بايلانىس، دەنساۋلىق ساقتاۋ جانە حالىققا الەۋمەتتىك قىزمەت كورسەتۋ، عىلىم جانە قىزمەت كورسەتۋ سالاسىنداعى كاسىپورىندار قامتىلادى»، - دەلىنگەن بيۋرو اقپاراتىندا.

ۆەدومستۆو مالىمەتىنشە، زەرتتەۋ ناتيجەسىندە سانيتارلىق- گيگيەنالىق تالاپتارعا (نورمالارعا) ساي كەلمەيتىن جاعدايلاردا 366,9 مىڭ ادام نەمەسە زەرتتەلگەن كاسىپورىنداعى قىزمەتكەرلەردىڭ جالپى سانىنىڭ 22,3 پايىزى جۇمىس ىستەيتىندىگى انىقتالعان. ونىڭ ىشىندە شۋدىڭ جانە ءدىرىلدىڭ جوعارى دەڭگەيى جاعدايىندا 169,8 مىڭ ادام، ش ۇ ك- دان (شەكتەۋلى ۇيعارىندى كونسەنتراتسيادان) اساتىن جۇمىس ايماعىنداعى اۋانىڭ گازدانۋى مەن شاڭدانۋى اسەرىندە - 119,7 مىڭ ادام، قولايسىز تەمپەراتۋرالىق رەجيمدە - 62,2 مىڭ ادام، باسقا قولايسىز فاكتورلاردا - 15,2 مىڭ ادام ەڭبەكەتكەن.

اۋىر دەنە ەڭبەگىمەن شۇعىلداناتىن قىزمەتكەرلەر سانى - 94,3 مىڭ ادام. 2020 -جىلى كاسىپورىندار (ۇيىمدار) زياندى جانە باسقا دا قولايسىز ەڭبەك جاعدايلارىنداعى جۇمىسى ءۇشىن وتەماقىلار مەن جەڭىلدىكتەرگە 141 545,8 ميلليون تەڭگە جۇمسادى. قوسىمشا دەمالىس (جەڭىلدىكتىڭ ءتۇرى) 520,6 مىڭ ادامعا بەرىلدى. زياندى جانە جانە باسقا دا قولايسىز ەڭبەك جاعدايىنا ءارتۇرلى ماتەريالدىق قوسىمشا تولەمدەردى 392,1 مىڭ ادام پايدالاندى. 322,9 مىڭ ادام ءسۇت نەمەسە تەڭ باعالى تاعام ونىمدەرىن تەگىن الدى. 79,8 مىڭ ادام تەگىن ەمدىك- پروفيلاكتيكالىق تاماقتانۋمەن قامتاماسىز ەتىلدى. ال 47,1 مىڭ ادام قىسقارتىلعان جۇمىس كۇنى رەجيمىندە جۇمىس ىستەدى.

اۆتور: مارلان جيەمباي

سوڭعى جاڭالىقتار