قاراعاندىلىق فەرمەرلەر قۇستىڭ قيىمەن قارجى تاۋىپ وتىر
قازىر بيوگاز ستانتسياسىنىڭ وندىرىستىك قۋاتى 70-80 پروتسەنتكە جەتىپتى. ناتيجەسىندە قۇس فەرماسى تولىقتاي اتالعان ستانتسيا ەسەبىنەن جىلىتىلىپ، توك كوزىن الادى. الداعى ەكى جىلدا ەسكى قورالار جاڭعىرتىلىپ، ءوندىرىستى 100 پروتسەنتكە جەتكىزۋ جوسپارى بار. وندا جىلدىق قۋات شامامەن 9 ميلليون كيلوۆاتقا جەتەدى. سەبەبى مەملەكەت تاراپىنان «جاسىل ەنەرگيا» جوباسىنا سۋبسيديا ءبولىنىپ، 1 كيلوۆاتىنا 40 تەڭگە تولەنۋدە. فەرما بولسا قازىردىڭ وزىندە، اي- سايىن كەمى 350 مىڭ كيلوۆات ەنەرگيا وندىرەدى.
يۋري كۋزمين، قۇس فابريكاسى ديرەكتورىنىڭ ورىنباسارى:
- ەكولوگياعا شىعارىلاتىن زياندى قالدىقتار سانى ەداۋىر ازايدى. بۇرىن ءبىر ميلليونعا جۋىق قۇستان تاۋلىگىنە 180 مىڭ توننا قي شىعارىلاتىن. ونى توگەتىن جەر تابا الماي قينالاتىنبىز. ال قازىر ستانتسياعا سالىپ، بيوگاز ەتىپ شىعارامىز، ودان قالعان قالدىقتى باۋ- باقشاعا قاجەتتى تىڭايتقىش رەتىندە پايدالانۋعا بولادى. مەملەكەت تاراپىنان بەرىلگەن قولداۋ ەكولوگيانى ساقتاۋعا مۇمكىندىك بەرىپ وتىر.