10:46, 14 - ءساۋىر 2021 | GMT +6
يتاليادا شاعىن كاسىپ يەلەرى شەرۋگە شىقتى
نۇر-سۇلتان. قازاقپارات - يتاليا استاناسىندا شاعىن كاسىپ يەلەرى كارانتين شەكتەۋلەرىنە قارسى تاعى نارازىلىق شەرۋىنە شىقتى.
ريمدەگى پارلامەنت جانىنداعى الاڭعا جينالعان 200 گە جۋىق كاسىپكەر ەلدىڭ تۋىن جەلبىرەتىپ، بيلىكتەن بيزنەس نىسانداردى قايتا اشۋعا رۇقسات بەرۋىن تالاپ ەتتى. ءبىراق كەيبىر شەرۋشىلەر ءتارتىپ ساقشىلارىنا تاس لاقتىرىپ، بەيبىت باستالعان اكسيا قاقتىعىسقا ۇلاستى. جاراقات العاندار تۋرالى اقپارات جوق. ال يتاليادا شەكتەۋلەر مامىر ايىنا دەيىن ۇزارتىلعان.
ىندەتتەن زارداپ شەككەن كاسىپكەرلەرگە مەملەكەت تاراپىنان قارجىلاي كومەك كورسەتۋ قاراستىرىلعان. ءبىراق بيزنەسمەندەر «بۇل قارجى داعدارىستى ەڭسەرۋگە جەتكىلىكسىز» دەپ، تىيىمداردى الىپ تاستاۋدى سۇراپ وتىر.
www.24.kz