نوۋتبۋك ۇزاققا شىداسىن دەسەڭىز
ول ءۇشىن ونى ۇزاق ۇستاۋدىڭ، ەرتە بۇزىپ الماۋدىڭ امالدارىن، ارنايى تاسىلدەرىن جاساۋىمىز قاجەت. سولاردىڭ كەيبىرىن بىلە جۇرگەن ارتىق ەتپەس.
ماسەلەن Mail.ru Group ديرەكتورى دميتري ءريابينيننىڭ ايتۋىنشا، نوۋتبۋكتى ساقتاۋدىڭ باستى ەكى امالى بار. ونىڭ ءبىرىنشىسى - اككۋمۋلياتوردى كۇتىپ ۇستاۋ. ياعني، نوۋتبۋكتىڭ باستى بولشەكتەرىنىڭ ءبىرى - بۇل باتارەيا نەمەسە اككۋمۋلياتورعا ۇقىپتى قاراۋ.
«قاراپايىم تىلمەن ايتقاندا، نوۋتبۋكتىڭ باتارەياسىن ءجيى وتىرعىزىپ، توقتان اجىراتىپ تاستاماۋ كەرەك. كەز كەلگەن اككۋمۋلياتوردىڭ قىزمەت ەتۋ سيكلى مەن قىزمەت كورسەتۋ ۋاقىتى بار. اككۋمۋلياتوردى از قۋاتتاساڭىز، سونشالىقتى كوپكە شىدايدى. قاراپايىم ماتەماتيكا»، - دەيدى ريابينين.
ال ەكىنشى امالى - تەمپەراتۋراسىنا ءمان بەرۋ. ياعني، نوۋتبۋكتى قىزدىرىپ الۋدان بارىنشا قاشۋ. ليتيي يوندى اككۋمۋلياتورلار ىستىقتى «كوتەرە المايدى». ەڭ دۇرىسى - سالقىن جەردە وتىرىپ جۇمىس ىستەۋ. تەمپەراتۋرا +10 مەن +30 گرادۋستىڭ اراسىندا بولعانى ابزال.
ال تەحنيكا تۇرعان بولمە نە كەڭسەنىڭ تەمپەراتۋراسى -25 گرادۋس پەن +45 گرادۋستىڭ اراسىندا بولعانى ءجون.
massaget.kz