الماتىلىقتارعا اعاش كوشەتتەرى تەگىن تاراتىلدى

الماتى. قازاقپارات - الماتىدا «جاسىل اۋلا» ناۋقانى اياسىندا كوشەتتەردى تاراتۋ باستالدى.

الماتى قالاسى جاسىل ەكونوميكا باسقارماسىنىڭ ماماندارى 50 مەكەنجايعا بارىپ، 500 گە جۋىق جاپىراقتى اعاش كوشەتىن تاراتتى، دەپ حابارلايدى قازاقپارات ءتىلشىسى.

ءوتىنىش بەرگەندەردىڭ ءبىرى - بوگەنباي باتىر كوشەسىندەگى №146 ءۇيدىڭ تۇرعىندارى. جاسىل ەكونيميكا باسقارماسىنىڭ قىزمەتكەرلەرى ولارمەن بىرگە 18 شيە مەن قاراعان كوشەتىن وتىرعىزدى.

«بيىلعى كوكتەمدە ءبىز كوشەتتەرگە دەگەن سۇرانىستىڭ ارتقانىن كورۋدەمىز. 10 كۇن ىشىندە بىزگە 2 مىڭ اعاش الۋعا ءوتىنىش ءتۇستى. 10 -ساۋىردەن باستاپ العاشقى مەكەنجايلارعا اعاشتاردى جەتكىزە باستادىق. «جاسىل اۋلا» ناۋقانى Jasyl Almaty كوگالداندىرۋ جونىندەگى باعدارلاما اياسىندا جۇزەگە اسىرىلۋدا»، - دەدى الماتى جاسىل ەكونوميكا باسقارماسىنىڭ باسشىسى ناتاليا ليۆينسكايا.

المالى اۋدانىنىڭ تۇرعىنى اديا بايديلدينا ءوز ويىمەن ءبولىستى.

«ءبىز كوشەتتەردى تاراتۋ تۋرالى حابارلاندىرۋدى كورىپ، تەز ارادا ءوتىنىش بەردىك. اۋلامىز شاعىن ءارى ونىڭ جاسىل بولعانىن قالايمىز. اعاش ەككەندى بۇرىننان قالايتىنمىن. انام ەكەۋمىز كۇتەمىز، ەندى بۇل ءبىزدىڭ ماقتانىشىمىز»، - دەدى الماتىلىق تۇرعىن.

كوگالداندىرۋعا ءۇي تۇرعىندارى مەن باسقارما ماماندارى قاتىستى. ءىس- شارا سانيتارلىق نورمالارعا سايكەس ءوتتى، بەتپەردە رەجيمى مەن الەۋمەتتىك اراقاشىقتىق ساقتالدى.