عالىمدار ەڭ ەجەلگى ادامنىڭ د ن ك- سىن تاپتى
ونى تاپقان - نەمىس عالىمدارى. زەرتتەۋ Nature Ecology and Evolution جۋرنالىندا جاريالاندى.
گەرمانياداعى ماكس پلانك اتىنداعى ادامزات تاريحى عىلىمي ينستيتۋتىنىڭ زەرتتەۋشىلەرى بۇل ايەلدىڭ سۇيەگىن Homo Sapiens داۋىرىنە جاتاتىنىن ايتادى. بۇل شامامەن، ادامزاتتىڭ - افريكادان ەۋروپاعا قاراي قونىس اۋدارعان ۋاقىتى. ايەلدىڭ د ن ك- سىنان نەاندەرتال ادامىنا جاتاتىن بەلگىلەر دە تابىلعان. سوعان قاراعاندا بۇل نەاندەرتال ادامنىڭ Homo Sapiens-كە اينالا باستاعان ءساتى بولسا كەرەك.
زەرتتەۋشىلەردىڭ ايتۋىنشا، بۇل ايەلدىڭ دنك مالىمەتتەرى ەۋروپا مەن ازيا اۋماعىندا ءومىر سۇرگەن جانە قازىرگى عىلىمدا بەلگىلى، ارحەولوگيادا تابىلعان ادام سۇيەكتەرىنەن وزگەشە. عالىمدار ازىرشە مۇنداي كونە ادامنىڭ د ن ك- سىن تاپقان جوق، بۇل - ءبىرىنشى.
«سانالى ادامداردىڭ ءوزى نەاندەرتالدارمەن (وسىدان 40 مىڭ جىل بۇرىن جويىلىپ كەتكەنگە دەيىن) بىرگە ءبىر داۋىردە، ءبىر ايماقتا ءومىر سۇرگەن كورىنەدى. بۇل - تاڭدانارلىق جايت. ولاردىڭ د ن ك- سى عانا ەمەس، ءومىر ءسۇرۋ سالتى دا ۇقساس بولعان. بۇعان ۇڭگىردەن تابىلعان جانۋار سۇيەگىنەن جاسالعان اشەكەي-بۇيىمدار دالەل. نەاندەرتال ادامى دا سونداي بۇيىم جاساعان»، - دەيدى زەرتتەۋ اۆتورى يوحاننەس كراۋزە.
تاعى ءبىر زەرتتەۋدە ادامزاتتىڭ ءتۇپ اتاسى - نەاندەرتالدار قازىرگى ادامدار سياقتى ءسوز سويلەپ، ونى ەستي الاتىن قابىلەتى بولعانى ايتىلعان. Homo sapiens ادامى سياقتى نەاندەرتالدىڭ دە 1-5 كيلوگەرتس دىبىستى ەستي الاتىنى، ءتىل قاتۋعا ۇقساس دىبىستاردى شىعارا العان ەكەن. سوعان قاراعاندا كونە ادامداردىڭ اشىلماعان قىرى ءالى دە كوپ سياقتى.
massaget.kz