داۋلەت تۇرلىحانوۆ قىزمەتىنە قايتا سايلاندى

None
None
الماتى. قازاقپارات - ايگىلى قازاقستاندىق بالۋان، سپورت قايراتكەرى داۋلەت تۇرلىحانوۆ ازيا كۇرەس كەڭەسىنىڭ پرەزيدەنتى قىزمەتىنە قايتا سايلاندى، دەپ حابارلايدى قازاقپارات ءتىلشىسى.

12-ساۋىردە الماتىدا وتكەن ازيا كۇرەس كەڭەسىنىڭ باس اسسامبلەياسىندا ونىڭ قازىرگى باسشىسى داۋلەت تۇرلىحانوۆ قاتىسۋشىلاردىڭ ءبىراۋىزدى شەشىمىمەن ءتورت جىلدىق مەرزىمگە قايتا سايلاندى.

اسسامبلەياعا بىرىككەن كۇرەس الەمىنىڭ پرەزيدەنتى، ح و ك اتقارۋ كوميتەتىنىڭ مۇشەسى نەناد لالوۆيچ (سەربيا)، UWW ۆيتسە-پرەزيدەنتتەرى ميحايل مامياشۆيلي (رەسەي) جانە احرولجان رۋزيەۆ (وزبەكستان)، سونداي-اق UWW مۇشەسى قاتىستى.

ايتا كەتەيىك، داۋلەت تۇرلىحانوۆ 2017 -جىلى مامىر ايىندا نيۋ-دەليدە وتكەن كونگرەستە ازيا كۇرەس كەڭەسىنىڭ پرەزيدەنتى بولىپ سايلانعان. داۋلەت بولات ۇلى تۇرلىحانوۆ 1963 -جىلى 18-قاراشادا شىعىس قازاقستان وبلىسىنىڭ جارما اۋدانىندا دۇنيەگە كەلگەن.

گرەك-ريم كۇرەسىنەن ەڭبەك سىڭىرگەن سپورت شەبەرى، قازاقستاننىڭ ەڭبەك سىڭىرگەن قايراتكەرى، قازاقستان جانە قىرعىزستان رەسپۋبليكالارىنىڭ ەڭبەك سىڭىرگەن جاتتىقتىرۋشىسى.



سوڭعى جاڭالىقتار