كوكسۋ اۋدانىنا بلوك بەكەت قويىلدى - الماتى وبلىسى

تالدىقورعان. قازاقپارات - الماتى وبلىسىنىڭ كوكسۋ اۋدانىنا بلوك بەكەت قويىلدى، دەپ حابارلايدى قازاقپارات ءتىلشىسى.

«2021 -جىلدىڭ 12 -ساۋىرىندەگى جاعداي بويىنشا الماتى وبلىسىنىڭ كوكسۋ اۋدانىندا ءساۋىر ايىندا كوروناۆيرۋس ينفەكسياسىنىڭ 128 جاعدايى تىركەلدى (ناۋرىزدا - 85). كوكسۋ اۋدانى بويىنشا ك ۆ ي جاعدايىنىڭ ءوسۋ قارقىنى سوڭعى 2 اپتادا %1,6 دان (29.03-04.04) %2,2 عا (04.04 -11.04) دەيىن ۇلعايدى. سوڭعى تاۋلىكتە ك ۆ ي- ءدىڭ 12 جاعدايى تىركەلدى، ءوسىم قارقىنى %1,9 - دى قۇرادى. كوكسۋ اۋدانىنىڭ كورونوۆيرۋستىق ينفەكتسيانى تاراتپاۋ جونىندەگى ۆەدومستۆوارالىق كوميسسيانىڭ اۋداندىق شتابىنىڭ شەشىمىمەن جانە كوكسۋ اۋدانىنىڭ باس مەملەكەتتىك سانيتاريالىق دارىگەرىنىڭ 2021 -جىلعى 9 -ساۋىردەگى №54 قاۋلىسى نەگىزىندە اۋىلدىق وكرۋگتەرگە شىعۋ/كىرۋ جولىندا تاڭعى ساعات 8-دەن كەشكى 20:00-گە دەيىن 9 بلوك بەكەت ورناتىلعان»، - دەلىنگەن الماتى وبلىسىنىڭ سانيتاريالىق- ەپيدەميولوگيالىق باقىلاۋ دەپارتامەنتىنىڭ باسپا ءسوز قىزمەتى تاراتقان حابارلامادا.

ۆەدومستۆونىڭ اقپاراتىنا سايكەس، بلوك بەكەتتەردىڭ جۇمىسىنا اۋداندىق پوليتسيا بولىمدەرىنىڭ قىزمەتكەرلەرى مەن جەرگىلىكتى اتقارۋشى ورگانداردىڭ ماماندارى جۇمىلدىرىلدى. مۇنداي جۇمىستار اۋدان اۋماعىندا كوروناۆيرۋستىق ينفەكسيانىڭ ودان ءارى تاراتپاۋ ماقساتىندا اتقارىلۋدا.