الماتىدا ۆەلوسيپەد مىنگەن ەسىرتكى ساتۋشى ۇستالدى

الماتى. قازاقپارات - الماتى پوليسياسى ۆەلوسيپەد مىنگەن ەسىرتكى ساتۋشىنى ۇستادى، دەپ حابارلايدى قازاقپارات ءتىلشىسى.پاترۋلدىك ەكيپاجى كۇدىكتى ەر ادامدى كەشە تۇندە قاراساي باتىر مەن ا. بايتۇرسىنوۆ كوشەلەرىنىڭ قيىلىسىندا ۇستادى.

«1995 -جىلعى ي. ەسىمدى ازامات ينسپەكتورلاردىڭ كۇدىگىن تۋدىردى. ول پاترۋل كولىگىن كورىپ، تۇرعىن ۇيلەردىڭ اۋلاسىنا جاسىرىنۋعا تىرىسقان. كۇدىكتى كوپ ۇزاماي ۇستالدى. 26 جاستاعى جىگىتتىڭ جەكە زاتتارىنان ءتۇرلى- ءتۇستى ورامالار تاركىلەدى، شاماسى، ماريحۋانا. تاركىلەنگەن زاتتىڭ كىمدىكى ەكەندىگىن جانە شىققان جەرىن انىقتاۋ ءۇشىن سوت- حيميالىق ساراپتاما تاعايىندالدى»، - دەدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.

ونىڭ ايتۋىنشا، كۇدىكتى قىلمىستىق كودەكستىڭ 297-بابى بويىنشا جاۋاپكەرشىلىككە تارتىلعانىن اتاپ ءوتتى. قازىرگى ۋاقىتتا قالاعا ەسىرتكىنى جەتكىزۋ جانە ونى كوتەرمە ساتۋ ارنالارىن انىقتاۋعا باعىتتالعان جەدەل ءىس- شارالار وتكىزىلىپ جاتىر.