نۇر- سۇلتاندا كوروناۆيرۋسقا قارسى جاپپاي ۆاكسينالاۋ قالاي ءجۇرىپ جاتىر

نۇر- سۇلتان. قازاقپارات - ەلوردا تۇرعىندارىن كوروناۆيرۋسقا قارسى جاپپاي ۆاكسيناتسيالاۋ ءجۇرىپ جاتىر.

جاس شەكتەۋلەرى مەن مەديتسينالىق كورسەتكىشتەرىن ەسكەرگەندە 600 مىڭنان استام قالا تۇرعىنى ۆاكسيناتسيالاۋعا جاتادى، دەپ حابارلايدى قازاقپارات نۇر- سۇلتان اكىمدىگىنىڭ رەسمي سايتىنا سىلتەمە جاساپ.

ۆاكسيناتسيا قالانىڭ ا م س ك ۇيىمدارىندا الدىن الا جازىلۋ بويىنشا جۇرگىزىلەدى (ۇيىمداردىڭ ءتىزىمى قالانىڭ ق د س سايتىندا كورسەتىلگەن) جانە «Mega Silk Way» س و و- دا جاسالادى. دەمالىس كۇندەرى قالانىڭ ءىرى ساۋدا ورتالىعىندا سىناق رەجيمىندە دوزانىڭ ءبىرىنشى كومپونەنتىن ونىڭ قىزمەتكەرلەرى، ياعني بۋتيكتى جالعا الۋشىلار، ساتۋشىلار جانە ورتالىقتىڭ قىزمەتكەرلەرى الدى. ونىڭ بارىسىندا 200 دەن استام ادام قامتىلدى.

«تاڭەرتەڭنەن باستاپ قالا تۇرعىندارى ۆاكسيناتسياعا دايىن بولدى. الدىن الا جازىلىپ، شاقىرۋدى كۇتىڭىز. ءبىز جۇرتتىڭ ءوز دەنساۋلىعىنا جانە وزگەلەرگە جاۋاپكەرشىلىكپەن قارايتىنىنا قۋانامىز. پروفيلاكتيكاعا اسا ءمان بەرىلۋ كەرەك»، - دەپ اتاپ ءوتتى ءتيىستى باسقارما.

سونداي- اق، باسقارمادا ا م س ك جانە س و و- دا ەكپەنى تەك ەلوردا تۇرعىندارى عانا ەمەس، وڭىرلەردىڭ تۇرعىندارى دا الا الاتىنىن ءمالىم ەتتى. باسقا قالانىڭ تۇرعىنى ەلوردادا ەكپە الىپ، 21 كۇننەن كەيىن ءوز قالاسىندا/وبلىسىندا ەكىنشى دوزاسىن قابىلداي الادى.

«باسقارما قويمالارىندا ۆاكسينا قورى جەتكىلىكتى. جاڭا پارتيا س ك فارماتسيا (دەنساۋلىق ساقتاۋ مينيسترلىگى) تارتىبىنە سايكەس اپتا سايىن كەلىپ تۇسەدى»، - دەپ حابارلادى ۆەدومستۆو.

ەستەرىڭىزگە سالا كەتەيىك، ەلوردا اكىمى التاي كولگىنوۆتىڭ تاپسىرماسى بويىنشا ەگۋ پۋنكتەرىنىڭ سانى 36 دان 100 گە دەيىن ۇلعايتىلدى. جۇمىس كەستەسى ساعات 08:00-دەن 00:00-گە دەيىن ۇزارتىلدى. ۆاكسينانى الدىن الا جازىلۋ بويىنشا egov موبيلدىك قوسىمشاسى نەمەسە ەمحانالاردىڭ call-ورتالىقتارىنا قوڭىراۋ شالۋ ارقىلى الۋعا بولادى. بۇگىنگى تاڭدا كوروناۆيرۋس ينفەكتسياسىنا قارسى 30 مىڭعا جۋىق ادام ەكپە قابىلدادى.