كوروناۆيرۋس: عالامشاردىڭ قانشا تۇرعىنى تولىق ۆاكسينا الدى
بۇل ۆاكسينانى تولىق العان عالامشار تۇرعىندارىنىڭ سانى نەبارى 5,1 پايىزدى قۇرايتىنىن شامالاۋعا مۇمكىندىك بەرەدى، دەپ حابارلايدى قازاقپارات Bloomberg اگەنتتىگىنىڭ جاساعان ەسەبىنە سىلتەمە جاساپ.
اگەنتتىكتىڭ باعالاۋىنشا، ستاتيستيكا جاسالعان ەلدەردە ۆاكسينالاۋدىڭ ورتاشا قارقىنى قازىرگى كەزدە كۇنىنە 17,9 ميلليون دوزانى قۇراپ وتىر.
«بۇل الاڭداتارلىق جاعداي. وسىنداي قارقىنمەن جاھاندىق يممۋنيتەتتىڭ ايتارلىقتاي دەڭگەيىنە جەتۋ ءۇشىن، جىلدار قاجەت بولادى». ايتارلىقتاي دەڭگەي مانىنە تۇرعىنداردىڭ 70 تەن 85 پايىزىنا دەيىنگى كورسەتكىش كىرىپ وتىر. Bloomberg سونداي- اق شىعارىلعان ۆاكسينالاردىڭ بىركەلكى ۇلەستىرىلمەگەنىن دە اتاپ وتۋدە.
«تابىس دەڭگەيى ەڭ جوعارى ەلدەردە ۆاكسينالاۋ تابىسى ەڭ تومەن دەڭگەيى بار ەلدەرگە قاراعاندا 25 ەسە جىلدام وتۋدە. عالامشار تۇرعىندارىنىڭ 11,1 پايىزى تۇراتىن ەڭ باي 27 مەملەكەتتىڭ ۇلەسى 39,3 پايىزدى (COVID-19 ۆيرۋسىنا قارسى ەگىلگەندەر) قۇراپ وتىر. سونداي- اق كوروناۆيرۋسقا قارسى ەڭ كوپ ەكپە سالىنعان ەلدەر اراسىندا ا ق ش ەلى كوش باستاۋدا - مۇندا 187 ميلليون ۆاكسينا دوزاسى ەگىلگەن، وتكەن اپتادا ورتاشا ەسەپپەن العاندا كۇنىنە 3,14 ميلليون دوزادان بولعان، دەپ جازادى Bloomberg. وسىنداي قارقىن ساقتالعان جاعدايدا، ەلدە نەبارى ءۇش ايدان كەيىن تۇرعىنداردىڭ 75 پايىزىنا ۆاكسينا سالىنادى.
ايتا كەتسەك، ءبىرىنشى «ۇشتىككە» قىتاي (164,5 ميلليون ەكپە) جانە ءۇندىستان (104,4 ميلليون) كىردى.