+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

قازاقستان پرەزيدەنتى شۆەتسيانىڭ سىرتقى ىستەر ءمينيسترى انن ليندەنى قابىلدادى

12 ءساۋىر 19:51
:ءبولىسۋ
قازاقستان پرەزيدەنتى شۆەتسيانىڭ سىرتقى ىستەر ءمينيسترى انن ليندەنى قابىلدادى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قازاقستانعا جۇمىس ساپارىمەن كەلگەن ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازىرگى ءتوراعاسى، شۆەتسيانىڭ سىرتقى ىستەر ءمينيسترى انن ليندەنى قابىلدادى، دەپ حابارلايدى قازاقپارات اقورداعا سىلتەمە جاساپ.

قاسىم- جومارت توقايەۆ شۆەد ديپلوماتىنا ءىلتيپات ءبىلدىرىپ، ونىڭ ەلىمىزگە جاساعان ساپارى ە ق ى ۇ- نىڭ قازىرگى ءتوراعاسى رەتىندە دە، شۆەتسيانىڭ سىرتقى ساياسي ۆەدومستۆوسىنىڭ باسشىسى تۇرعىسىنان دا وتە ماڭىزدى ەكەنىن اتاپ ءوتتى.

- قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قاعيداتتارى مەن قۇندىلىقتارىنا بەيىل ەكەنىن ايتقىم كەلەدى. ءسىز باسقارىپ وتىرعان ۇيىممەن اراداعى ىنتىماقتاستىق - سىرتقى ساياساتتاعى باسىمدىقتارىمىزدىڭ ءبىرى. ءبىز اتالعان ۇيىممەن دە، وعان مۇشە مەملەكەتتەرمەن دە اراداعى تىعىز ىقپالداستىقتى نىعايتا تۇسۋگە دايىنبىز، - دەدى قاسىم- جومارت توقايەۆ.

مەملەكەت باسشىسى 2010 -جىلى استانادا وتكەن ە ق ى ۇ- نىڭ تاريحي ءسامميتىنىڭ قورىتىندىلارى ۇيىمنىڭ دامۋىنا تىڭ سەرپىن بەرگەنىن جانە ونىڭ اسا ماڭىزدى ەكەنىن اتاپ ءوتتى. پرەزيدەنت ەكىجاقتى بايلانىستاردىڭ پەرسپەكتيۆالارىن تالقىلاۋ بارىسىندا قازاقستاننىڭ شۆەتسيامەن اراداعى ءوزارا ىقپالداستىقتى ەكونوميكالىق جانە گۋمانيتارلىق سالالارعا باسا ءمان بەرە وتىرىپ، ودان ءارى نىعايتۋدى كوزدەيتىنىنە توقتالدى.

ءوز كەزەگىندە انن ليندە قاسىم- جومارت توقايەۆقا قوناقجايلىق كورسەتكەنى ءۇشىن العىس ءبىلدىرىپ، ە ق ى ۇ- نىڭ قازىرگى ءتوراعاسى رەتىندەگى وسى ساپارىنىڭ ءوزى ءۇشىن ماڭىزدى ەكەنىن جەتكىزدى.

- ە ق ى ۇ مەن قازاقستان اراسىنداعى قارىم- قاتىناستارعا زور ءمان بەرەتىنىمىزدى اتاپ وتكىم كەلەدى، - دەدى شۆەتسيانىڭ سىرتقى ىستەر ءمينيسترى.

انن ليندە قاسىم- جومارت توقايەۆقا ە ق ى ۇ- نىڭ قازىرگى ءتوراعاسى لاۋازىمىنداعى ءوز جۇمىسىنىڭ العاشقى قورىتىندىلارى، الداعى جۇمىستارى، ونىڭ ىشىندە، ورتالىق ازيا باعىتىنداعى جۇمىس جوسپارلارى تۋرالى مالىمەت بەردى.

اڭگىمەلەسۋ بارىسىندا ۆانكۋۆەردەن ۆلاديۆوستوكقا دەيىنگى ەۋروپا مەن ەۋرازيانىڭ اۋقىمدى كەڭىستىگىندەگى قاۋىپسىزدىكتىڭ سىن- قاتەرلەرى مەن تاۋەكەلدەرى تالقىلاندى. سونىمەن قاتار ە ق ى ۇ- نىڭ الدىندا تۇرعان اسكەري- ساياسي، ەكونوميكالىق- ەكولوگيالىق جانە ادامزاتتىق سياقتى ءۇش ولشەمدەگى مىندەتتى جۇزەگە اسىرۋ جولدارى بويىنشا پىكىر الماستى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات