ايدا بالايەۆا: ۆاكسيناتسيا - ۆيرۋستى جەڭۋدىڭ جالعىز جولى

نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا كوروناۆيرۋس ۆاكسيناسىن سالدىردى.

بۇل جايىندا ول «بالايەۆاعا 3 سۇراق» باعدارلاماسىندا ايتتى، دەپ حابارلايدى قازاقپارات ءتىلشىسى.

«قازىر كوڭىل- كۇيىم كوتەرىڭكى، جاقسى. دەنساۋلىعىما ەشقانداي اسەرىن تيگىزگەن جوق. ينەنى سالعان كەزدە اۋىراتىنى بار، ءسال اۋىرسىنۋ بولدى. مەديتسينا قىزمەتكەرلەرىنەن جالپى نۇسقاۋلىق سۇراپ الدىم. 2-3 كۇن دەنساۋلىعىمدى كۇتىپ، سۋىققا شىقپاي، ماسكا كيىپ ءجۇرۋ سىندى ساقتىق شارالارىن ورىندايتىن بولامىن. ەندى 21 كۇننەن كەيىن ەكىنشى كومپونەنتىن الامىن»، - دەدى مينيستر.

سونىمەن قاتار ول «سپۋتنيك V « ۆاكسيناسىن العانىن اتاپ ءوتتى.

«قازاقستاندىق ۆاكسينا سىناقتىڭ ءۇشىنشى ساتىسىنان ءوتىپ جاتقانى بەلگىلى. ونى كۇتپەۋ ءۇشىن بۇگىن رەسەيلىك سپۋتنيك V ۆاكسيناسىن سالدىردىم»، - دەدى ايدا بالايەۆا.

اقپارات ءمينيسترىنىڭ اتاپ وتۋىنشە، ءار ادام ءوزىنىڭ ازاماتتىق جاۋاپكەرشىلىگىن سەزىنە ءبىلۋى كەرەك. ويتكەنى، بۇل ونىڭ عانا دەنساۋلىعىنىڭ ەمەس بۇكىل قوعامنىڭ قاۋىپسىزدىگى.

«تاريحي تاجىريبە كورسەتىپ وتىرعانداي، ۆاكسيناتسيا - ۆيرۋستى جەڭۋدىڭ جالعىز جولى. ۆاكسينا سالدىرعاننان كەيىن دە قاۋىپسىزدىك ءىس- شارالارىن ەشكىم دە وزگەرتىپ جىبەرمەگەنى تۇسىنىكتى. قالىپتى ومىرگە ورالۋىمىز، بالالارىمىزدى مەكتەپكە جىبەرە الۋىمىز، جاقىندارىمىزبەن كەزدەسىپ، وتباسىلىق، سونىمەن قاتار مەملەكەتتىك دەڭگەيدەگى ءىس- شارالاردى وتكىزۋىمىز ءۇشىن ۇجىمدىق يممۋنيەتتىڭ قالىپتاسۋى وتە ماڭىزدى»، - دەدى ول.