+7 (701) 759 90 19
+20 °С : نۇر-سۇلتان
+24 °С : الماتى
USD 426.99 EUR 514.35
RUB 5.72 CNY 65.96
جاڭالىقتار

ق ر ۇزدىك اسكەري قىزمەتشىلەرىن حالىقارالىق ارميا ويىندارىنا ىرىكتەۋ ءجۇرىپ جاتىر

12 ءساۋىر 19:30
:ءبولىسۋ
ق ر ۇزدىك اسكەري قىزمەتشىلەرىن حالىقارالىق ارميا ويىندارىنا ىرىكتەۋ ءجۇرىپ جاتىر

قاراعاندى. قازاقپارات - «استانا» وڭىرلىك قولباسشىلىعىنىڭ «سپاسسك» وقۋ ورتالىعىندا «الەم جاۋىنگەرى» بايقاۋىنا قازاقستاندىق اسكەري قىزمەتشىلەردى ىرىكتەۋدىڭ ءبىرىنشى كەزەڭى اياقتالدى.

اسكەري- كاسىبي شەبەرلىكتەگى جارىستار حالىقارالىق ارميا ويىندارى شەڭبەرىندە ءوتتى، دەپ حابارلايدى قازاقپارات ءتىلشىسى.

250 اسكەري قىزمەتشىنىڭ ىشىنەن 27 ادام: 17 ەر ادام جانە 10 ايەل ادام ىرىكتەلدى. ەندى ولار تاعى ءبىر كەزەڭدە باسەكەگە تۇسەدى، سەبەبى نەگىزگى قۇرامعا تەك تورتەۋى كىرەدى. بايقاۋدىڭ اسكەري- سپورتتىق كەزەڭىنە ءجۇز مەترگە جۇگىرۋ، قاشىقتىققا گراناتا لاقتىرۋ، كەدەرگىلەر جولاعىنان ءوتۋ، جىلدام قوزعالۋ جانە «سپورتشى» كەشەندى ەستافەتاسى، سونداي- اق اسكەري- كاسىبي كەزەڭ - اۆتوماتپەن جاتتىعۋ كىرەدى.

«مەرگەن» اتىس دايارلىعى بويىنشا جارىستار اتۋ بويىنشا ءارتۇرلى نورماتيۆتەردى ورىنداۋدى كوزدەيدى. الەم جاۋىنگەرى تەك جوعارى، كۇشتى جانە جىلدام بولۋى ءتيىس، سونىمەن قاتار تاريح بويىنشا ءبىلىمىن تەكسەرەتىن «ەرۋديت» سايىسىندا ەمتيحان تاپسىرىپ، «كاۆالەر/سۋدارىنيا» بايقاۋىنىڭ شىعارماشىلىق كەزەڭىنە قاتىسۋى كەرەك.

«ىرىكتەۋگە بارلىق اسكەري بولىمدەردىڭ، وڭىرلىك قولباسشىلىقتاردىڭ جانەقازاقستان قارۋلى كۇشتەرى تۇرلەرىنىڭ ۇزدىك وكىلدەرى قاتىستى. ۇمىتكەرلەر جوعارى دەڭگەي، ەرىك كۇشىن جانە جەڭىسكە دەگەن ۇمتىلىستى كورسەتەدى»، - دەدى «استانا» ءو ق شتاب- سەرجانتى قۋاندىق مادياروۆ.

ەستەرىڭىزگە سالا كەتەيىك، قازاقستاندىق كوماندا «الەم جاۋىنگەرى» حالىقارالىق بايقاۋىندا بىرنەشە رەت جۇلدەلى ورىندارعا يە بولدى. ماسەلەن، 2016 -جىلى رەسەيدە ءبىزدىڭ اسكەري قىزمەتشىلەر جالپى كوماندالىق ەسەپتە ءۇشىنشى، 2017 -جىلى بەلارۋستا - ەكىنشى، 2018 -جىلى ارمەنيادا - ءبىرىنشى بولدى. حالىقارالىق ارميا ويىندارى الداعى 22 -تامىز بەن 4 -قىركۇيەك ارالىعىندا وتەدى دەپ جوسپارلانۋدا. سونداي- اق الەمنىڭ 15 ەلىندە 34 حالىقارالىق بايقاۋ ۇيىمداستىرىلماق.

اۆتور: اگاتا مۋحامەدجانوۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات