دوكتورانتۋرادان كەيىنگى زەرتتەۋلەرگە ارنالعان گرانتتار بولىنەدى - اسحات ايماعامبەتوۆ

نۇر-سۇلتان. قازاقپارات - دوكتورانتۋرادان كەيىنگى زەرتتەۋلەرگە باعىتتالعان ارناۋلى گرانتتار بولىنەتىن بولادى.

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.

«مەملەكەت باسشىسى قاسىم-جومارت كەمەل ۇلى توقايەۆتىڭ قولداۋىمەن 2020 -جىلى ب ع م- گە قاراستى عىلىمي ۇيىمداردىڭ ماتەريالدىق- تەحنيكالىق بازاسىن نىعايتۋ جانە جۇمىسىن جانداندىرۋعا باعىتتالعان جاڭا بيۋدجەتتىك باعدارلاما اشىلىپ، 2,8 ميلليارد تەڭگە ءبولىندى. ناتيجەسىندە 23 عىلىمي- زەرتتەۋ ينستيتۋتىنا جابدىقتار ساتىپ الىندى. بيىل وسى ماقساتتا 3,5 ميلليارد تەڭگە ءبولىندى. سوندىقتان ينستيتۋتتاردى مودەرنيزاتسيالاۋ بويىنشا جۇمىس ءارى قاراي جالعاسادى»، - دەپ جازدى مينيستر Facebook پاراقشاسىندا.

ونىڭ اتاپ وتۋىنشە، ۇلتتىق عىلىمي كەڭەس قىزمەتىنىڭ اشىقتىعىن ارتتىرۋعا باعىتتالعان وڭ وزگەرىستەر ەنگىزىلدى. ەندى ولاردىڭ جيىندارى ونلاين، ال داۋىس بەرۋ پروتسەسى اشىق فورماتقا اۋىستىرىلدى. عىلىمي كەڭەس قۇرامى دا عىلىمي قىزمەتكەرلەردىڭ جۇمىسىنا سايكەس جاڭعىردى.

«بيىلدان باستاپ 500 عالىمدى الەمنىڭ جەتەكشى عىلىمي ورتالىقتارىنا تاعىلىمدامالاردان وتۋگە جىبەرۋ جانە «جاس عالىم» جوباسى اياسىندا 1 مىڭ گرانت ءبولۋ بويىنشا جۇمىستار قولعا الىنادى. ودان بولەك، ەلىمىزدەگى 20 ۋنيۆەرسيتەت «اكادەميالىق ارتىقشىلىق ورتالىقتارى» جوباسى اياسىندا قارجىلاندىرۋعا يە بولادى. ياعني، بۇل - جيىرما وقۋ ورنى ماتەريالدىق- تەحنيكالىق بازاسىن ايتارلىقتاي جاڭارتۋعا مۇمكىندىك الادى دەگەن ءسوز»، - دەدى ول.

مينيستر عىلىمداعى بارلىق پروتسەستەردى ودان ءارى سيفرلاندىرۋ بويىنشا جۇمىس اتقارىلۋى كەرەكتىگىن باسا ايتادى.

«كەيبىر عىلىمي جوبالاردى ىسكە اسىرۋ ءۇشىن ۇزاق مەرزىم تالاپ ەتىلەدى. بۇل رەتتە مۇنداي عىلىمي جوبالارعا گرانت بەرۋ مەرزىمدەرىن 5 جىلعا دەيىن ۇزارتۋ ماسەلەسى دە قولعا الىنادى. ءبىز ەل ءۇشىن ستراتەگيالىق باعىتتار بويىنشا ىرگەلى زەرتتەۋلەرمەن اينالىساتىن ينستيتۋتتاردى تىكەلەي قارجىلاندىرۋدى ماڭىزدى دەپ سانايمىز. مينيسترلىك بازالىق قارجىلاندىرۋ اياسىندا اقى الاتىن قىزمەتكەرلەردىڭ تىزبەسىن كەڭەيتۋ بويىنشا جۇمىس جۇرگىزىپ جاتىر»، - دەدى ول. اسحات ايماعامبەتوۆ جاس عالىمدارعا قولداۋ كورسەتۋ ماڭىزدىەكەندىگىن دە اتاپ وتەدى.

«سوندىقتان زاڭعا ەنگىزىلگەن وزگەرتۋلەر ارقاسىندا جاس عالىمداردى قولداۋ ءۇشىن دوكتورانتۋرادان كەيىنگى زەرتتەۋلەرگە باعىتتالعان ارناۋلى گرانتتار ءبولۋ جۇزەگە اسىرىلاتىن بولادى. بۇدان باسقا، عتقن كوممەرتسيالاندىرۋ جوبالارىن گرانتتىق قارجىلاندىرۋ پراكتيكاسى دا جالعاسادى. عالىمدارىمىزدىڭ جوبالارى جەتىستىكتەرگە جەتۋ ءۇشىن - ولارعا قولايلى جاعداي جاساۋ اسا ماڭىزدى. سوندىقتان سالاداعى قاعازباستىلىقتى بارىنشا ازايتىپ، جاستاردى عىلىم سالاسىنا تارتىپ جاتىرمىز»، - دەدى مينيستر.

اۆتور: مارلان جيەمباي