ۇلتتىق بانك تەڭگەنىڭ السىرەۋى سەبەبىن ءتۇسىندىردى
«بيىلعى ناۋرىزدا تەڭگەنىڭ ايىرباستاۋ باعامى كەلەسى سەبەپتەرمەن ءبىر ا ق ش دوللارى ءۇشىن 424,97 تەڭگەگە دەيىن 1,9 پايىزعا السىرەدى. بىرىنشىدەن، وسى جىلعى ناۋرىزدا مۇناي باعاسى ءبىر باررەل ءۇشىن 63,54 ا ق ش دوللارىنا دەيىن 3,9 پايىزعا تومەندەدى. ۆاكسيناتسيا قارقىنىنىڭ تومەندەۋىنە، جاڭا اگرەسسيۆتى COVID-19 شتامدارىنىڭ پايدا بولۋىنا جانە بارىنشا قاتاڭ وقشاۋلاۋ شارالارىنا ورالۋعا بايلانىستى تاۋەكەلدەر ەنەرگيا تاسىمالداۋشىلارعا سۇرانىستى قالپىنا كەلتىرۋ بويىنشا ينۆەستورلاردىڭ جوسپارلارىنا اسەر ەتتى. بيىلعى ناۋرىزدىڭ قورىتىندىسى بويىنشا ا ق ش-تاعى مۇناي قورى دا ارتتى»، - دەدى ۇ ب باسشىسى ۇكىمەت وتىرىسىندا بيىلعى قاڭتار- ناۋرىزدا ەلدىڭ الەۋمەتتىك- ەكونوميكالىق دامۋ قارقىنىن تالقىلاۋ كەزىندە.
ەكىنشىدەن، ا ق ش قازىناشىلىق وبليگاتسيالارى كىرىستىلىگىنىڭ ءوسۋى اياسىندا دوللار دامۋشى نارىقتاردىڭ ۆاليۋتالارىنا قاتىستى نىعايۋدا.
«ناتيجەسىندە، تۇرىك ليراسى 11,1 پايىزعا، يندونەزيا رۋپياسى - 2 پايىزعا، رەسەي رۋبلى 1,6 پايىزعا السىرەدى. بۇل رەتتە، سانكسيالار تاۋەكەلدەرىنىڭ كۇشەيۋى جالپى ۇردىستەردەن باسقا رەسەي ءرۋبلىنىڭ تەرىس ديناميكاسىنا ىقپال ەتتى. بۇل جاعدايدا رەسپۋبليكالىق بيۋدجەتكە ترانسفەرتتەر ءبولۋ اياسىندا ۇلتتىق قور اكتيۆتەرىن كونۆەرتاتسيالاۋ مەن كۆازيمەملەكەتتىك سەكتور كومپانيالارىنىڭ ەكسپورتتىق ۆاليۋتا ءتۇسىمىنىڭ ءبىر بولىگىن ساتۋى تەڭگەگە قولداۋ كورسەتتى»، - دەدى دوسايەۆ.
ناۋرىزدا قازاقستاننىڭ مەملەكەتتىك باعالى قاعازدارىنا شەتەل ينۆەستيتسيالارىنىڭ اعىنى ايتارلىقتاي باياۋلادى جانە بيىلعى جىلعى اقپانداعى 178 ميلليارد تەڭگەمەن جانە قاڭتارداعى 174 ميلليارد تەڭگەمەن سالىستىرعاندا 18 ميلليارد تەڭگەنى قۇرادى.
«بيىلعى جىلعى ساۋىردە تاۋەكەل اكتيۆتەرىنە سەنتيمەنت تاۋەكەلىنىڭ جالپى ناشارلاۋى اياسىندا دامۋشى نارىقتاردىڭ اكتيۆتەرىنەن بەيرەزيدەنتتەردىڭ نەتتو-شىعارىلۋى بايقالادى. 9-ساۋىردە تەڭگە باعامى مىناداي سەبەپتەر بويىنشا جىل باسىنان بەرى ءبىر ا ق ش دوللارى ءۇشىن 2,9 پايىزعا السىرەپ، ءبىر ا ق ش دوللارى ءۇشىن 433,17 تەڭگەنى قۇرادى»، - دەدى ۇ ب باسشىسى.