دوكتورانتۋراعا ءتۇسۋ ەرەجەلەرىنە وزگەرتۋلەر ەنگىزىلدى

None
None
نۇر-سۇلتان. قازاقپارات - بيىلدان باستاپ دوكتورانتۋراعا قابىلداۋ ەمتيحانى ەلەكتروندىق فورماتتا جۇرگىزىلەتىن بولادى.

بۇل تۋرالى ءبىلىم جانە عىلىم مينيسترلىگىنىڭ Telegram كانالىندا جاريالاندى، دەپ حابارلايدى قازاقپارات.

اتاپ ايتقاندا، ۇمىتكەرلەر كومپيۋتەردە وتىرىپ ەسسە جازادى، دوكتورانتۋرادا وقۋعا دايىندىعىن راستاۋ ءۇشىن تەست تاپسىرادى جانە ءبىلىم بەرۋ باعدارلاماسى توبىنىڭ بەيىنى بويىنشا ەمتيحان تاپسىرادى.

«بيىل دوكتورانتۋراعا ءتۇسۋ ەرەجەلەرىنە ءبىرقاتار وزگەرىس ەنگىزىلدى. دوكتورانتۋراعا قابىلداۋ ەمتيحانى العاش رەت تەستىلەۋ ورتالىقتارىنىڭ بازاسىندا دەربەس كومپيۋتەر ارقىلى ەلەكتروندىق فورماتتا وتەدى. وتكەن جىلى بۇل ءتاسىل ماگيستراتۋراعا قابىلداۋ كەزىندە قولدانىلعان بولاتىن. بۇل - قابىلداۋ ەمتيحاندارى تەك تەستىلەۋ فورماتىندا وتەدى دەگەن ءسوز ەمەس. بولاشاق دوكتورانتتار ج و و- لار بەكىتكەن تاقىرىپتار بويىنشا ەسسە جازادى. قابىلداۋ ەمتيحانىنىڭ قورىتىندى باعاسى ەسسە، دوكتورانتۋرادا وقۋعا دايىندىق تەستى جانە بەيىندى ەمتيحان باعالارىنىڭ جيىنتىعى بولىپ سانالادى»، - دەدى ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

دوكتورانتۋراعا ءوتىنىش قابىلداۋ 3- شىلدەدە باستالىپ، 3- تامىزعا دەيىن جالعاسادى، سونداي-اق ءبىلىم بەرۋ باعدارلامالارىنا ءتۇسۋ ەمتيحاندارى 4-20- تامىز ارالىعىندا وتەدى. دوكتورانتۋراعا قابىلداۋ 28- تامىزدا اياقتالادى.

بۇدان بۇرىن حابارلانعانداي، دوكتورلىق ديسسەرتاتسيالاردى قورعاۋ ونلاين رەجيمدە جۇرگىزىلەدى.


سوڭعى جاڭالىقتار