بايقوڭىردان «گاگارين» كەمەسىنىڭ ۇشىرىلۋ ءساتى عارىشتان فوتوعا ءتۇسىرىلدى
بۇعان دەيىن جازعانىمىزداي، «گاگارين» عارىش كەمەسىنىڭ ۇشىرىلۋى ءساتتى ءوتتى.
عارىشكەرلەر كۇنى قارساڭىنداعى مەرەيتويلىق ۇشىرۋدى كوپتەگەن قوناقتار، مەكتەپ وقۋشىلارى، ەل پرەمەر-ءمينيسترى اسقار مامين باستاپ كەلگەن ۇكىمەتتىك دەلەگاتسيا باقىلادى.
ق ر ۇكىمەتىنىڭ ءتوراعاسى بايقوڭىرعا روسكوسموس باسشىسىمەن كەلىسسوز جۇرگىزگۋ ءۇشىن كەلگەن. ۇشىرىلعان «سويۋز- م س-18» عارىش كەمەسى ءۇش ساعاتتان كەيىن حالىقارالىق عارىش ستانتسياسىنىڭ (ح ع س) «راسسۆەت» مودۋلىمەن ءتۇيىسىپ، تاعى ءبىرشاما ۋاقىتتان سوڭ م ك س-65 ەكسپەديتسياسىنىڭ ەكيپاجى ولەگ نوۆيتسكيي، پەتر دۋبروۆ جانە مارك ۆاندە حاي حعس بورتىنا اۋىستى. ولاردى حالىقارالىق عارىش ستانتسياسىندا روسكوسموس عارىشكەرلەرى سەرگەي رىجيك پەن سەرگەي كۋد-سۆەرچكوۆ قارسى الدى.
عارىشكەرلەر «يۋ. ا. گاگارين» كولىكتىك باسقارىلاتىن كەمەسى بار «سويۋز-2.1ا» زىمىران- تاسىمالداعىشىنىڭ ۇشىرىلۋ ءساتىن سۋرەتكە ءتۇسىرىپ العان.
ح ع س ءدال سول ساتتە بايقوڭىردىڭ ۇستىمەن ۇشىپ بارا جاتقان. ءقازىر وربيتاداعى عارىشتىق ۆاحتادا وننان اسا ادام بار: روسكوسموستىڭ - ءتورت، NASA- نىڭ - بەس عارىشكەرى جانە جاپوندىق عارىش اگەنتتىگىنىڭ ءبىر وكىلى.
روسكوسموس اقپاراتىنا سايكەس، «سويۋز مس-18» كەمەسى ح ع س بورتىنا 169 ك گ جۇك جەتكىزگەن.
ولاردىڭ اراسىندا عارىشتىق تاجىريبەلەردى جانە رەسەيلىك عىلىمي باعدارلاما بويىنشا مەديتسينالىق- بيولوگيالىق زەرتتەۋلەردى جاساۋعا ارنالعان جابدىقتار، بورتتىق قۇجاتتاما جاساۋعا كەرەك قۇرال مەن كومەكشى كومپلەكت، جەكە گيگيەنا قۇرالدارى مەن ازىق-تۇلىك، سونىمەن قاتار يۋري الەكسەيەۆيچ گاگاريننىڭ سۋرەتى مەن عارىشقا العاشقى ادامنىڭ ۇشۋىنىڭ 60 جىلدىعىنا ارنالعان مەرەيتويلىق سيمۆوليكا بار.