قىتايدا شاحتانى سۋ باسىپ، كەنشىلەر جەر استىندا قالدى

بەيجىڭ. قازاقپارات - ق ح ر شىڭجاڭ-ۇيعىر اۆتونوميالىق اۋدانىندا كومىر شاحتاسىن سۋ باسىپ، 21 ادام جەر استىندا قالىپ قويدى، دەپ حابارلايدى قازاقپارات شينحۋا اگەنتتىگىنە سىلتەمە جاساپ.

مالىمەتكە سايكەس، اپات سەنبى كۇنى بەيجىڭ ۋاقىتى بويىنشا كەشكى 18:10-دا ق ح ر شىڭجاڭ- ۇيعىر اۆتونوميالىق اۋدانى چانتسزي-حۋەي وكرۋگى حيتۋبي ۋەزىندە بولعان.

الدىن الا اقپارات بويىنشا، جوندەۋ جۇمىستارى كەزىندە شاحتانى سۋ باسىپ، سالدارىنان ەلەكتر قۋاتى وشكەن. كەنشىلەرمەن بايلانىس تا ۇزىلگەن.

توتەنشە جاعداي كەزىندە شاحتادا 29 كەنشى بولعان، سەگىزى قۇتقارىلدى. قازىرگى كەزدە 21 ادام سۋ باسقان شاحتادا قالىپ وتىر.

شۇعىل قىزمەتتەر اپات ورنىندا جۇمىستارىن جالعاستىرۋدا.