+7 (701) 759 90 19
+20 °С : نۇر-سۇلتان
+24 °С : الماتى
USD 428.71 EUR 519.12
RUB 5.79 CNY 66.61
جاڭالىقتار

الماتى وبلىسىندا انا مەن ءسابي كوز جۇمدى

11 ءساۋىر 10:31
:ءبولىسۋ
الماتى وبلىسىندا انا مەن ءسابي كوز جۇمدى

تالدىقورعان. قازاقپارات - الماتى وبلىسىنىڭ پانفيلوۆ اۋداندىق پەرزەنتحاناسىندا انا مەن بالا كوز جۇمدى.

24 جاستاعى جانار باراتوۆا ءۇشىنشى بالاسىن بوسانۋى ءتيىس بولعان، دەپ حابارلايدى قازاقپارات ءتىلشىسى.

ءبىر اپتا بۇرىن ءسابيدى جەرلەگەن وتباسى، ەندى جاناردى جەر قوينىنا تاپسىردى. ولاردىڭ سوزىنشە، 12 كۇن بۇرىن جاناردىڭ ءىشى ءوتىپ، ينفەكتسيالىق اۋرۋحاناعا تۇسكەن. اي كۇنى تولعان ايەلگە ءبىر كۇندە 9 سيستەما سالىنعانى ايتىلۋدا.

«ينفەكتسيالىق اۋرۋحاناعا جاتقىزدى، سول كۇنى 9 سيستەما سالدى. 9 سيستەمانى ايەلىم كوتەرە الماي، اۋىرىپ، پەرزەنتحاناعا تۇسەدى. ول كەزدە اي كۇنى تولىپ تۇرعان كەز. پەرزەنتحاناعا تۇسكى ءبىر مەن ءۇشتىڭ اراسىندا تۇسكەن. تۇنگى ساعات ون ەكىگە دەيىن وعان ەشبىر دارىگەر كوز قىرىن سالماعان. تۇنگى ون ەكىدەن وتىز مينۋت كەتكەندە ايەلىمنىڭ جاتىرىنان سۋى كەتىپ، بالانىڭ جۇرەگى توقتاعان»، - دەدى مارقۇمنىڭ جولداسى بەيىمبەت مۇرات.

ءسابي دۇنيەگە ءولى كەلگەن. ج. باراتوۆانىڭ جولداسىنىڭ سوزىنشە، قان توقتاماعاننان دارىگەرلەر ەشبىر تۋىسىنىڭ رۇقساتىنسىز جاتىرىن الىپ تاستاعان. ءبىراق، قان كەتۋ سوندا دا تىيىلماعان.

بەيىمبەت مۇرات ەشبىر ساقتاۋ تالابىن بىلمەسە دە، الماتىداعى قان ورتالىعىنان قان تاسىعانىن جەتكىزدى. دارىگەرلەردىڭ ايتۋىنشا، ايەلدىڭ اسقازانىنداعى جارا جارىلىپ، قان كەتكەن. الايدا، پاتالوگواناتومداردىڭ ساراپتاما ناتيجەسى ونى جوققا شىعارعان. «ساراپتاما قورىتىندىسى بويىنشا، اسقازانىندا جارا جوق»، - دەيدى مارقۇمنىڭ جولداسى.

ال دارىگەر جاناردىڭ ولىمىنە قان كەتۋ سەبەپ بولعانىن ايتۋدا.

«بوسانعاننان كەيىن قان كەتۋ باستالدى. اسقازانىنان، ىشىنەن كەتتى. قان كەتۋ كوروناۆيرۋسقا دا بايلانىستى بولۋى مۇمكىن»، - دەيدى «پانفيلوۆ اۋدانارالىق كوپسالالى اۋرۋحاناسى» ك م ك ديرەكتورىنىڭ انا مەن بالانى قورعاۋ جونىندەگى ورىنباسارى گاۋھار بايداحانوۆا.

قارا جامىلعان جانۇيا ەگەر كەلىنشەك كوروناۆيرۋستان قايتىس بولسا، ول نەلىكتەن سانيتارلىق تالاپ بويىنشا جەرلەنبەگەنىن تۇسىنبەي دال.

اق حالاتتى مامان بۇل جايت بويىنشا پىكىر بىلدىرە المايتىنىن جەتكىزدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات