فۋتبولدان قازاقستان بىرىنشىلىگى: «استانا» «اتىراۋدى» ءىرى ەسەپپەن جەڭدى
كەشەگى سوڭعى كەزدەسۋدە ەلوردادا «استانا» مەن «اتىراۋ» كوماندالارى شەبەرلىك بايقاستى.
بۇل كەزدەسۋدە الاڭ يەلەرى تىزگىندى ءوز قولىنا الىپ، جاسىل الاڭ تورىندە باسىمدىعىن بايقاتتى.
ەسەپتى العاش بولىپ اتىراۋلىق كوماندا ساپىنان دجۋنيور الەكس اشتى. ودان كەيىن ەلوردالىق كلۋبتان ابات ايىمبەتوۆ 23-مينۋتتا تارازى باسىن تەڭەستىردى. ال ونىڭ كوماندالاس ارىپتەسى ابزال بەيسەبەكوۆ 20، 36-مينۋتتاردا مەرگەندىگىمەن كوزگە ءتۇستى.
ەكىنشى كەزەڭنىڭ 64-مينۋتتا ابات ايىمبەتوۆ ەسەپتى ۇلعايتا ءتۇستى. كەلەسى كەزەكتە اتىراۋلىق كلۋبتان برايان 76-مينۋتتا ءبىر گولمەن جاۋاپ قايىردى. ويىن سوڭىنا تامان رومان مۋرتازايەۆ 90، 93-مينۋتتاردا ەكى گولدىڭ اۆتورى اتاندى.
وسىلايشا «استانا» قارسىلاسىن 6:2 ەسەبىمەن تىزە بۇكتىردى. اتالعان جەڭىستەن كەيىن سەگىز ۇپاي جيناپ، تۋرنير كەستەسىندە ەكىنشى ورىنعا كوتەرىلدى. كوش باسىندا 10 ۇپايمەن الماتىنىڭ «قايرات» كومانداسى كەلەدى.
ۇزدىك ۇشتىكتى ەنشىسىندە سەگىز ۇپايى بار «تاراز» كومانداسى تۇيىندەپ تۇر.
اتالعان تۋرداعى ءتورت ويىن، 9- ساۋىردە وتكىزىلگەن بولاتىن. سول كۇنى «تاراز» قاراعاندىنىڭ «شاحتەرىن» 4:0 ەسەبىمەن تىزە بۇكتىرسە، ورالدىڭ «اقجايىعى» پەتروپاۆلدىڭ « قىزىلجارىنا» 0:1 ەسەبىمەن ەسە جىبەردى.
ال «اقتوبە» مەن «ورداباسى» 4:4 ەسەبىمەن تەڭ ءتۇستى. 9- ساۋىردە قوستانايدىڭ «توبىلى» سىرت الاڭدا تالدىقورعاننىڭ «جەتىسۋىن» 2:0 ەسەبىمەن سۇرىندىرسە، الماتىنىڭ «قايراتى» ءوز الاڭىندا تۇركىستاننىڭ «تۇران» كلۋبىنا 5:1 ەسەبىمەن ويسىراتا جەڭدى.
ەندى بەسىنشى تۋر ويىندارى 13- جانە 14- ءساۋىر كۇندەرى وتكىزىلەدى. الدىمەن 13- ساۋىردە «شاحتەر» مەن «اقجايىق»، « قىزىلجار» مەن «اقتوبە» كەزدەسسە، 14- ساۋىردە «اتىراۋ» مەن «جەتىسۋ»، «كاسپي» مەن «قايرات»، «توبىل» مەن «قايسار»، «تۇران» مەن «تاراز»، «ورداباسى» مەن «استانا» كوماندالارى جاسىل الاڭعا شىعادى.