الماتىدا ەر ادام تراۆماتيكالىق تاپانشادان جاراقات الدى

الماتى. قازاقپارات - الماتىدا ەكى ەر ادام اراسىندا جانجال شىعىپ، ولاردىڭ بىرەۋى تراۆماتيكالىق تاپانشادان جاراقات الدى، دەپ حابارلايدى قازاقپارات ءتىلشىسى.

وقيعا تولە ءبي مەن اۋەزوۆ كوشەلەرىنىڭ قيىلىسىندا بولعان. الماتى قالالىق پوليتسيا دەپارتامەنتىنىڭ مالىمەتىشە، ەكى بەيتانىس ادام اراسىندا جانجال شىققان.

ناتيجەسىندە 1998-جىلى تۋعان ەر ادام تراۆماتيكالىق تاپانشادان اتىلعان وقتان جاراقاتتاندى.

ول مەديتسينا مەكەمەسىنە جەتكىزىلدى. وقيعا بولعان جەردى پوليتسيا قىزمەتكەرلەرى قورشاۋعا الدى.

1987-جىلى تۋعان كۇدىكتى ۇستالىپ، ۋاقىتشا ۇستاۋ يزولياتورىنا قامالدى.

قىلمىستىق كودەكستىڭ 293-بابىنىڭ (بۇزاقىلىق) ءۇشىنشى بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.